Politics

ചടയൻ ഗോവിന്ദന്‌ സ്‌മരണാഞ്ജലി

സിപിഐ എം സംസ്ഥാന സെക്രട്ടറിയായിരുന്ന ചടയൻ ഗോവിന്ദന് നാടിന്റെ സ്മരണാഞ്‌ജലി. 27 –ാം ചരമവാർഷികദിനത്തിൽ കണ്ണൂർ പയ്യാമ്പലത്തും ജന്മനാടായ കമ്പിലും അനുസ്‌മരണ പരിപാടികൾ സംഘടിപ്പിച്ചു. തിരുവനന്തപുരത്ത്‌ എ കെ ജി സെന്ററിൽ സംസ്ഥാന സെക്രട്ടറി എം വി ഗോവിന്ദൻ പതാക ഉയർത്തി. ചൊവ്വാഴ്‌ച രാവിലെ പയ്യാമ്പലം സ്മൃതിമണ്ഡപത്തിലെ പുഷ്പാർച്ചനയിൽ നേതാക്കളും പ്രവർത്തകരും ചടയന്റെ കുടുംബാംഗങ്ങളും പങ്കെടുത്തു. കേന്ദ്ര കമ്മിറ്റി അംഗം ഇ പി ജയരാജൻ അനുസ്മരണപ്രഭാഷണം നടത്തി. ജില്ലാ സെക്രട്ടറി കെ കെ രാഗേഷ് അധ്യക്ഷനായി.