സിൻസിനാറ്റി ഓപ്പൺ ടെന്നീസ് ; ജൊകോ പിൻമാറി

ന്യൂയോർക്ക്​

നൊവാക്​ ജൊകോവിച്ച്​ സിൻസിനാറ്റി ഓപ്പൺ ടെന്നീസിൽനിന്ന്​ പിൻമാറി. ഇതോടെ 24ന്​ ആരംഭിക്കുന്ന യുഎസ്​ ഓപ്പണിന്​ മുന്നൊരുക്കമില്ലാതെയാകും സെർബിയക്കാരൻ എത്തുക. ജൂലൈ 11ന്​ വിംബിൾഡൺ സെമിയിൽ യാനിക്​ സിന്നെറിനെതിരെയാണ്​ മുപ്പത്തെട്ടുകാരൻ അവസാനമായി കളിച്ചത്​. കഴിഞ്ഞയാഴ്​ച തുടങ്ങിയ ടോറന്റോ മാസ്​റ്റേഴ്​സിൽനിന്നും പിൻമാറിയിരുന്നു. 25–ാം ഗ്രാൻഡ്​സ്ലാമാണ്​ യുഎസ്​ ഓപ്പണിൽ ലക്ഷ്യമിടുന്നത്​.