ഇരട്ട​ഗോളുമായി റൊണാൾഡോ; അർമേനിയയെ തകർത്ത് പോർച്ചു​ഗൽ

യെരേവനിൽ: ഫിഫ ഫുട്ബോൾ ലോകകപ്പ് യൂറോപ്യൻ യോ​ഗ്യതാ റൗണ്ടിൽ അർമേനിയയെ തകർത്ത് പോർച്ചു​ഗൽ. സൂപ്പർ താരം ക്രിസ്റ്റ്യാനോ റൊണാൾഡോയും ജാവോ ഫെലിക്സും ജോയോ ഫെലിക്സും ഇരട്ട​ഗോളുമായി തിളങ്ങിയപ്പോൾ എതിരില്ലാത്ത അഞ്ചു ​ഗോളിനായിരുന്നു ടീമിന്റെ വിജയം.

കളിയുടെ തുടക്കം തന്നെ പോർച്ചു​ഗൽ ആക്രമണം തുടങ്ങി. പത്താം മിനിറ്റിൽ ജോയോ ഫെലിക്സിലൂടെ പോർച്ചു​ഗൽ ലീഡ് നേടി. പിന്നാലെ 21-ാം മിനിറ്റിൽ ക്രിസ്റ്റ്യാനോ ടീമിനായി ​ഗോൾ കണ്ടെത്തി. പത്ത് മിനിറ്റിനുള്ളിൽ ജോയോ കകാൻസെലോ ടീം ലീഡ് മൂന്നായി ഉയർത്തി. ആദ്യപകുതയിൽ മൂന്ന് ​ഗോളിന്റെ ലീഡുമായി കളി തുടർന്ന് പോർച്ചു​ഗൾ രണ്ടാം പകുതിയിലും ആക്രമണം തുടർന്നു. രണ്ടാം പകുതിയുടെ തുടക്കത്തിൽ ക്രിസ്റ്റ്യാനോ തന്റെ രണ്ടാം ​ഗോൾ നേടി. 46-ാം മിനിറ്റിലെ സൂപ്പർ ​ഗോളോടെ രാജ്യത്തിനായുള്ള ​ഗോൾ സമ്പാദ്യം 140 ആയി. 62-ാം മിനിറ്റിൽ ജാവോ ഫെലിക്സിലൂടെ പോർച്ചു​ഗൽ അഞ്ചാം ​ഗോളും വലയിലാക്കി.

ഇരട്ട ​ഗോൾ നേടിയതോടെ ലോകകപ്പ് യോഗ്യത റൗണ്ട് മത്സരങ്ങളിൽ ഏറ്റവും കൂടുതൽ ​ഗോളുകൾ നേടിയ പട്ടികയിൽ താരം രണ്ടാമതെത്തി. അർജന്റീനൻ സൂപ്പർ താരം ലയണൽ മെസിയെയാണ് റൊണാൾഡോ മറികടന്നത്. യോഗ്യത റൗണ്ടിൽ റൊണാൾഡോ 38 ​ഗോളുകളും മെസി 36 ​ഗോളുകളുമാണ് നേടിയത്. 39 ​ഗോളുകളുള്ള ഗ്വാട്ടിമാലയുടെ കാർലോസ് റൂയിസാണ് പട്ടികയിൽ ഒന്നാമത്. ത്.