റാങ്കിങ്‌ : നേട്ടം 
തുടർന്ന്‌ ഇന്ത്യ

ദുബായ്‌

രാജ്യാന്തര ക്രിക്കറ്റ്‌ കൗൺസിൽ (ഐസിസി) റാങ്കിങ് ഏകദിന, ട്വന്റി 20 പട്ടികയിൽ ഇന്ത്യ ഒന്നാംസ്ഥാനം നിലനിർത്തി. ടെസ്‌റ്റിൽ നാലാംസ്ഥാനത്തേക്ക്‌ പിന്തള്ളപ്പെട്ടു. ഐസിസി ചാമ്പ്യൻസ്‌ ട്രോഫി ജയത്തോടെയാണ്‌ ഏകദിന റാങ്കിങ്ങിൽ ഇന്ത്യ പിടിമുറുക്കിയത്‌. ന്യൂസിലൻഡ്‌ രണ്ടാമതും ഓസ്‌ട്രേലിയ മൂന്നാമതുമാണ്‌. പാകിസ്ഥാനെ മറികടന്ന്‌ ശ്രീലങ്ക നാലാമതെത്തി.

ട്വന്റി 20യിൽ ലോക ചാമ്പ്യൻമാരായ ഇന്ത്യ രണ്ടാമതുള്ള ഓസ്‌ട്രേലിയയുമായുള്ള അന്തരംകൂട്ടി. ചരിത്രത്തിലാദ്യമായി 100 ടീമുകൾ ഉൾപ്പെട്ട റാങ്കിങ്‌ പട്ടികയാണ്‌ ഐസിസി പുറത്തിറക്കിയത്‌.

ടെസ്‌റ്റിൽ ഓസീസാണ്‌ ഒന്നാമത്‌. ദക്ഷിണാഫ്രിക്കയെയും ഇന്ത്യയെയും മറികടന്ന്‌ ഇംഗ്ലണ്ട്‌ രണ്ടാമതെത്തി. ദക്ഷിണാഫ്രിക്ക മൂന്നാമതും ഇന്ത്യ നാലാമതുമാണ്‌.