ദുലീപ്​ ട്രോഫി 
കളിക്കാൻ ഗിൽ

മുംബൈ

ഇംഗ്ലണ്ടിനെതിരായ പരമ്പരയ്​ക്ക്​ പിന്നാലെ ഇന്ത്യൻ ടെസ്റ്റ്​ ക്രിക്കറ്റ്​ ടീം ക്യാപ്​റ്റൻ ശുഭ്മാൻ ഗിൽ ദുലീപ്​ ട്രോഫിക്ക്. വടക്കൻ മേഖലയെ ഇരുപത്തഞ്ചുകാരൻ നയിക്കും. 28ന്​ ബംഗളൂരുവിലാണ്​ ടൂർണമെന്റ്​. സെപ്തംബർ 15വരെ നീളും. ഇതോടെ സെപ്​തംബർ 9ന്​ തുടങ്ങുന്ന ഏഷ്യാ കപ്പ്​ ട്വന്റി20യിൽ​ ഗിൽ കളിക്കുന്ന കാര്യം സംശയത്തിലായി. 28ന്​ കിഴക്കൻ മേഖലയുമായാണ്​ വടക്കൻ മേഖലയുടെ കളി. ജയിച്ചാൽ സെമിയിലേക്ക്​ മുന്നേറും. സെപ്​തംബർ നാലിനാണ്​ സെമി. ഗില്ലിനെ കൂടാതെ ഇന്ത്യൻ താരങ്ങളായ അർഷ്​ദീപ്​ സിങ്​, ഹർഷിത്​ റാണ, അൻഷുൽ കംബോജ്​ എന്നിവരും വടക്കൻ മേഖലാ ടീമിലുണ്ട്​.