അഭിഷേക്​ 
ശർമ ഒന്നാമത്​

ദുബായ്​

അതുല്യനേട്ടവുമായി ഇന്ത്യൻ ഓപ്പണിങ്​ ബാറ്റർ അഭിഷേക്​ ശർമ. രാജ്യാന്തര ക്രിക്കറ്റ്​ ക‍ൗൺസിലിന്റെ (ഐസിസി) ട്വന്റി20 ബാറ്റിങ്ങ്​ റാങ്കിങ്ങിൽ ഒന്നാം സ്ഥാനത്തെത്തി.

വിരാട്​ കോഹ്​ലിക്കും സ‍ൂര്യകുമാർ യാദവിനുംശേഷം ഇ‍ൗ നേട്ടം സ്വന്തമാക്കുന്ന മൂന്നാമത്തെ ഇന്ത്യൻ താരമാണ്​. ഓസ്​ട്രേലിയയുടെ ട്രാവിസ്​ ഹെഡിനെ മറികടന്നാണ്​ ഒന്നാമതെത്തിയത്​. പഞ്ചാബ്​ സ്വദേശിയായ അഭിഷേക്​ കഴിഞ്ഞ വർഷമാണ്​ ദേശീയ കുപ്പായത്തിൽ അരങ്ങേറ്റം കുറിച്ചത്​. 17 ട്വന്റി20യിൽ രണ്ട്​ സെഞ്ചുറി ഉൾപ്പെടെ 535 റണ്ണടിച്ചു. ഫെബ്രുവരിയിൽ ഇംഗ്ലണ്ടിനെതിരെ 54 പന്തിൽ നേടിയ 135 റണ്ണാണ്​ ഇരുപത്തിനാലുകാരന്റെ ഉയർന്ന സ്​കോർ. കഴിഞ്ഞ ഒരു വർഷമായി ഒന്നാമതുള്ള ഹെഡ്​ അവസാനമായി ട്വന്റി20 കളിച്ചത്​ കഴിഞ്ഞ സെപ്​തംബറിലാണ്​.

ഇന്ത്യയുടെ തിലക്​ വർമയാണ്​ മൂന്നാം സ്ഥാനത്ത്​. സൂര്യകുമാർ ആറാമതും യശസ്വി ജയ്​സ്വാ 11–മതുമാണ്​​. ബ‍ൗളർമാരിൽ വരുൺ ചക്രവർത്തി മൂന്നാമതുണ്ട്​.