വീണ്ടും റെക്കോർഡിലേയ്ക്ക്; പവൻവില 73,000 കടന്നു

കൊച്ചി : സംസ്ഥാനത്ത് സ്വർണവിലയിൽ വീണ്ടും കുതിപ്പ്. പവൻ വില 73,000 കടന്നു. പവന് ഇന്ന് 440 രൂപയാണ് വർധിച്ചത്. ഇന്ന് 73,040 രൂപയിലാണ് സ്വർണവ്യാപാരം നടക്കുന്നത്. ​കഴിഞ്ഞ ദിവസം 72,600 രൂപയായിരുന്നു പവൻ വില. ​ഗ്രാമിന് 55 രൂപ കൂടി 9,130 ആയി. കഴിഞ്ഞ മാസം 22ന് പവൻ വില സർവകാല റെക്കോ‍ർ‌ഡിലെത്തിയിരുന്നു. 74,320 രൂപയിലായിരുന്നു അന്ന് സ്വർണവ്യാപാരം നടന്നത്. തുടർന്ന് ഇടിവ് രേഖപ്പെടുത്തിയ പവൻ വിലയാണ് വീണ്ടും കൂടുന്നത്.

24 കാരറ്റിന് പവന് 79,680 രൂപയും ​ഗ്രാമിന് 9,960 രൂപയുമാണ് വില. 18 കാരറ്റിന് പവന് 59,760 രൂപയും ​ഗ്രാമിന് 7,470 രൂപയുമാണ് വില. ജനുവരി 22നാണ് സ്വർണവില ആദ്യമായി 60,000 കടന്നത്. തുടർന്ന് ഫെബ്രുവരി 11ന് പവൻ വില 64,000 കടന്നിരുന്നു. മാർച്ച് 14ന് 65,000 കടന്ന വില ഏപ്രിൽ 12നാണ് ആദ്യമായി 70,000 കടന്നത്. ​തുടർന്ന് 17ന് പവൻ വില 71,000ഉം 22ന് വില 74,000ഉം കടന്നു.

രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കുന്നത്. അന്താരാഷ്ട്ര വിപണിയിലെ മാറ്റങ്ങളും ട്രംപിന്റെ വ്യാപാരയു​ദ്ധവും താരിഫുമെല്ലാം രാജ്യത്തെ സ്വർണവിലയിൽ പ്രതിഫലിക്കുന്നുണ്ട്. സ്വർണത്തിന്റെ രാജ്യാന്തര വില, ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വർണ വില നിർണയിക്കുന്നത്. വെള്ളിയ്ക്ക് ​ഗ്രാമിന് 107 രൂപയും കിലോ​ഗ്രാമിന് 1,07,900 രൂപയുമാണ് വില.

മെയിലെ സ്വർണവില

മെയ് 1 : 70,200

മെയ് 2 : 70,040

മെയ് 3 : 70,040

മെയ് 4 : 70,040

മെയ് 5 : 70,200

മെയ് 6 : 72,200

മെയ് 7 : 72,600

മെയ് 8 : 73,040