രത്നക്കല്ലുകൾ പതിച്ച മൂക്കുത്തി തിരികെ നൽകി

ലഭിച്ച നവരത്ന മൂക്കുത്തി ഉടമസ്ഥയ്ക്ക് തിരികെ നൽകുന്നു

വെബ് ഡെസ്ക്

Published on Nov 16, 2025, 02:32 AM | 1 min read

വെസ്റ്റ്ഹിൽ

വിലപ്പെട്ട രത്നക്കല്ലുകൾ പതിച്ച മൂക്കുത്തിക്ക് ഹരിത കർമ സേനാംഗങ്ങളെ പ്രലോഭിപ്പിക്കാനായില്ല. ഹരിത കർമ സേനാംഗങ്ങളായ വിജിതയും ബിന്ദുവുമാണ്‌ കളഞ്ഞുകിട്ടിയ മൂക്കുത്തി ഉടമക്ക് തിരിച്ചുനൽകി മാതൃകയായത്‌.

വെസ്റ്റ്ഹിൽ ഒന്നാം സർക്കിളിലെ 68–-ാം വാർഡിൽ മാലിന്യശേഖരണത്തിനിടെയാണ്‌ മൂക്കുത്തി ലഭിച്ചത്. വെസ്റ്റ് ഹിൽ കനകാലയ ബാങ്കിന്‌ സമീപത്തെ എസ്‌ഐ പ്രോസ്പെക്ട്‌ ഫ്ലാറ്റിലെ താമസക്കാരായ കവിത സുനിലിന്റേതാണിത്‌. ഇരുവരും വെസ്റ്റ്ഹിൽ ഒന്നാം സർക്കിളിലെ 68–ാം വാർഡിലെ ഹരിതകർമ സേനാംഗങ്ങളും എലത്തൂർ ചെട്ടികുളം സ്വദേശികളുമാണ്.