പണിയ ന ൃത്തം മലയ് ദരൈ മന്‍പറ്ച്ച...
ഇരിങ്ങാലക്കുട
പണിയ നൃത്തം മലയ് ദരൈ മന്‍പറ്ച്ച... യോ ഗേല്‍നോ കലായി മൈലേ ദറൈ പ്രയാസ് ഖരിഗിച്ചു... (പണിയ നൃത്തം എനിക്ക് ഇഷ്ടമാണ്. നൃത്തം ചെയ്യാനായി ഞാന്‍ കഠിനാധ്വാനം ചെയ്തു)' ഹൈസ്‌കൂള്‍ വിഭാഗം പണിയ നൃത്തം മത്സരത്തില്‍ മാറ്റുരച്ച നേപ്പാള്‍ സ്വദേശിനി ലക്ഷ്മികുമാരി ബൊഹ്‌റയുടെ വാക്കുകളാണിത്. ആദ്യമായാണ് ചെന്ത്രാപ്പിന്നി ഹയര്‍സെക്കന്‍ഡറി സ്‌കൂളിലെ വിദ്യാര്‍ഥിനിയായ ലക്ഷ്മികുമാരി കലോത്സവങ്ങളില്‍ പങ്കെടുക്കുന്നത്. നൃത്തം പഠിച്ചിട്ടില്ലെങ്കിലും പണിയനൃത്തത്തിലൂടെ ജില്ലാ കലോത്സവവേദിയില്‍ എത്തിയതിൽ അഭിമാനവുമുണ്ടെന്ന് ലക്ഷ്മികുമാരി പറഞ്ഞു. 11 വര്‍ഷം മുമ്പാണ് ലക്ഷ്മികുമാരി കേരളത്തിലെത്തിയത്. ചെന്ത്രാപ്പിന്നി കൊപ്രക്കളത്തിലാണ് താമസം. പൂന്തോട്ടക്കാരനായ ഭക്ത് ആണ് അച്ഛന്‍. അമ്മ: ബട്‌ദേവി ബൊഹ്റ.
0 comments