കെഎസ്ടിഎ ജില്ലാ മാർച്ചും ധര്‍ണയും

തൃശൂർ ​

കെഎസ്ടിഎ ജില്ലാ കമ്മിറ്റി നേതൃത്വത്തില്‍ മാർച്ചും ധര്‍ണയും നടത്തി. കേന്ദ്രസർക്കാരിന്റെ ജനവിരുദ്ധ നയങ്ങൾ തിരുത്തുക, കേരളത്തോടുള്ള അവഗണന അവസാനിപ്പിക്കുക, നവകേരളത്തിനായി അണി ചേരുക, കേരള സർക്കാരിന്റെ ജനപക്ഷ ബദൽ നയങ്ങൾക്ക് കരുത്തുപകരുക, ദേശീയ വിദ്യാഭ്യാസനയം 2020 തള്ളിക്കളയുക, ജോലി സംരക്ഷണം ഉറപ്പാക്കുക, ശമ്പള പരിഷ്കരണ നടപടി ആരംഭിക്കുക, ഡിഎ കുടിശ്ശിക അനുവദിക്കുക തുടങ്ങി 36 ആവശ്യങ്ങള്‍ ഉയർത്തിയായിരുന്നു സമരം. സിഎംഎസ് സ്കൂള്‍ പരിസരത്തുനിന്നാരംഭിച്ച മാര്‍ച്ച് തേക്കിന്‍കാട് മൈതാനിയിൽ സമാപിച്ചു. സിപിഐ എം ജില്ലാ സെക്രട്ടറി കെ വി അബ്ദുൾഖാദർ ഉദ്ഘാടനം ചെയ്തു. 12 ഉപജില്ലകളിൽനിന്ന് രണ്ടായിരത്തോളം അധ്യാപകര്‍ പങ്കെടുത്തു. കെഎസ്ടിഎ ജില്ലാ പ്രസിഡന്റ് കെ പ്രമോദ് അധ്യക്ഷനായി. ജില്ലാ സെക്രട്ടറി സി സാജൻ ഇഗ്നേഷ്യസ്, സംസ്ഥാന സെക്രട്ടറി എം കെ നൗഷാദലി, സംസ്ഥാന എക്സിഅംഗം ഡോ. പി സി സിജി, സംസ്ഥാന കമ്മിറ്റി അംഗങ്ങളായ ടി എം ലത, ബിനോയ് ടി മോഹൻ, ദീപ ആന്റണി, ജില്ലാ ട്രഷറർ ടി വിനോദിനി എന്നിവര്‍ സംസാരിച്ചു.