സോപാൻ ടെസ്റ്റ് ക്യാമ്പ് സമാപിച്ചു

​കൊടകര

കൊടകര ജിഎൻബിഎച്ച്എസിൽ നടന്ന സ്കൗട്ട്സ് ആന്‍ഡ് ഗൈഡ്സ് ദ്വിതീയ സോപാൻ ടെസ്റ്റ് ക്യാമ്പ് സമാപിച്ചു. ഇരിങ്ങാലക്കുട വിദ്യാഭ്യാസ ജില്ലയിലെ വിവിധ ഹയർ സെക്കന്‍ഡറി സ്കൂളുകളിലെ 500 സ്കൗട്ടുകളും ഗൈഡുകളും ക്യാമ്പിൽ പങ്കെടുത്തു. ക്യാമ്പിൽ പങ്കെടുത്ത വിദ്യാര്‍ഥികള്‍ കൊടകരയിലെ ടേക്ക് എ ബ്രേക്ക്‌ വഴിയിടം ശുചീകരിച്ചു. ജില്ലാ ഓർഗനൈസിങ് കമീഷണർ കെ ഡി ജയപ്രകാശ്, പരിശീലകരായ ഡോണൽ ഡിസിൽവ, ലിലിയാൻ സി ഡയസ്, കെ കല്പന, ജോബിൻ എം തോമസ് എന്നിവർ നേതൃത്വം നല്‍കി.