​കൊലയ്ക്ക് കൊടുത്തതെന്ന് ബന്ധുക്കൾ

തിരുവനന്തപുരം

ചെറുപ്രായം മുതൽ ആർഎസ്എസിലും ബിജെപിയിലും സജീവ പ്രവർത്തകനായിരുന്ന ആനന്ദ്‌ കെ തമ്പിയെ അതേ നേതൃത്വം കൊലയ്ക്ക് കൊടുക്കുകയായിരുന്നെന്ന് ബന്ധുക്കൾ പറയുന്നു. ആനന്ദിന് വലിയ സമ്മർദവും ഭീഷണിയുമുണ്ടായിരുന്നതായാണ് ബന്ധുക്കൾ പറയുന്നത്. ഈ ഭീഷണി മറികടക്കാനാണ് വെള്ളിയാഴ്ചയോടെ ആനന്ദ് ശിവസേനയില്‍ ചേർന്നതെന്നാണ് വിവരം. എന്നാൽ ഭീഷണിയും സമ്മർദവും തുടർന്നിരുന്നതായാണ് സൂചന. ശനിയാഴ്ച വൈകിട്ടോടെയാണ് വീടിന് പിന്നിലെ ഷെഡിനുള്ളിൽ ആനന്ദിനെ തൂങ്ങിയ നിലയിൽ കണ്ടെത്തിയത്.