കാട്ടുപന്നി ആക്രമണത്തിൽ ഗുരുതരപരിക്ക്​

ചെങ്ങന്നൂർ

ജോലിക്ക്​ പോകുന്നതിനിടെ വയോധികനെ കാട്ടുപന്നി ആക്രമിച്ചു. മുളക്കുഴ കാരയ്​ക്കാട് പാറയ്​ക്കൽ ഇടമലയിൽ പ്രദീപ്കുമാറിനാണ്​ (ബാബു – 62) പരിക്കേറ്റത്. കഴിഞ്ഞദിവസം രാവിലെ ഒമ്പതോടെ വീടിന്​ സമീപത്തെ പാലത്തറ മടുക്കവീട്ടിൽ ഇടമല റോഡിലാണ് വലിയ കാട്ടുപന്നി ആക്രമിച്ചത്. വലത്​ കാൽമുട്ടിനും വലത്​ കൈപ്പത്തിക്കും ആഴത്തിൽ മുറിവും ഇടത് കൈവിരലിന് പരിക്കുമേറ്റു. പന്തളത്തെ സ്വകാര്യ ആശുപത്രിയിൽ ചികിത്സ തേടി.