ആർ ഭാസ്‌കരന്റെ വീട് 
ആർ നാസർ സന്ദർശിച്ചു

മാവേലിക്കര

അന്തരിച്ച സംഗീതജ്ഞനും ബാലസംഘം മാവേലിക്കര ഏരിയ കൺവീനറുമായ മാവേലിക്കര പടിഞ്ഞാറേ നട സൗപർണികയിൽ ആർ ഭാസ്​കരന്റെ വീട് സിപിഐ എം ജില്ലാ സെക്രട്ടറി ആർ നാസർ സന്ദർശിച്ചു. ജില്ലാ കമ്മിറ്റിയംഗം ലീലാ അഭിലാഷ് ഒപ്പമുണ്ടായി. ആർ ഭാസ്‌കരന്റെ ഭാര്യ പി കെ സരസമ്മയെയും കുടുംബാംഗങ്ങളെയും ജില്ലാ സെക്രട്ടറി ആശ്വസിപ്പിച്ചു. ബാലസംഘം ജില്ലാ എക്‌സി. അംഗം, എ ആർ രാജരാജവർമ സ്‌മാരക ഭരണസമിതി അംഗം, മാവേലിക്കര ഗോപിനാഥ് കലാകേന്ദ്രം സെക്രട്ടറി, കേരള യുക്തിവാദിസംഘം മേഖലാ കമ്മിറ്റിയംഗം, പുരോഗമന കലാസാഹിത്യ സംഘം ഏരിയ കമ്മിറ്റി അംഗം എന്നീ നിലകളിലും ആർ ഭാസ്‌കരൻ പ്രവർത്തിച്ചു. രോഗബാധിതനായി ഇ‍ൗ മാസം ഏഴിനായിരുന്നു മരിച്ചത്.