കാപ്പാ നിയമപ്രകാരം ജയിലിൽ അടച്ചു

ചേർത്തല

ചേർത്തല തെക്ക്​ പഞ്ചായത്ത് 14–ാം വാർഡിൽ കണ്ണമ്പള്ളിവെളി വിജിത്തിനെ (ഉണ്ണിച്ചൻ–26) കാപ്പാ നിയമപ്രകാരം ജയിലിൽ അടച്ചു. തിരുവനന്തപുരം സെൻട്രൽ ജയിലിലാണ്​ കരുതൽ തടങ്കലിലാക്കിയത്. അർത്തുങ്കൽ, മാരാരിക്കുളം പൊലീസ് സ്​റ്റേഷനുകളിൽ നിരവധി കേസുകളിൽ ഉൾപ്പെട്ടതിനാലണ്​ നടപടി. ബലാത്സംഗം, നരഹത്യാശ്രമം, കഠിനദേഹോപദ്രവം ഏൽപ്പിക്കൽ, കുട്ടികൾക്കെതിരെ ലൈംഗികാതിക്രമം, മയക്കുമരുന്ന് കൈവശംവച്ച് വിൽപ്പന തുടങ്ങിയവയാണ്​ കേസുകൾ. അർത്തുങ്കൽ എസ്​ഐ ഡി സജീവ്കുമാർ, എഎസ്ഐ ശ്രീവിദ്യ, സീനിയർ സിപിഒമാരായ വി വി ജിതിൻ, ഗിരീഷ്, അരുൺകുമാർ, പ്രവീഷ്, സജീഷ് എന്നിവരുൾപ്പെട്ട സംഘമാണ് പ്രതിയെ പിടികൂടിയത്. അർത്തുങ്കൽ പൊലീസ് ഈവർഷം ഏഴുപേർക്ക് എതിരെ കാപ്പ ചുമത്തി. രണ്ടുപേരെ തിരുവനന്തപുരം സെൻട്രൽ ജയിലിൽ അടയ്​ക്കുകയും അഞ്ചുപേർക്ക് സഞ്ചലന നിയന്ത്രണ ഉത്തരവ് നടപ്പാക്കുകയുംചെയ്​തു. ചേർത്തല തെക്ക്​ പഞ്ചായത്ത് 12–ാം വാർഡിൽ മായിത്തറ കീഴ്​മംഗലത്ത് ഷാനു സുരേഷിനെ കാപ്പ ചുമത്തി നേരത്തെ തിരുവനന്തപുരം സെൻട്രൽ ജയിലിൽ കരുതൽ തടങ്കലിലാക്കി. 45 പേർക്കെതിരെയാണ്​ ഭാരതീയ നാഗരിക് സുരക്ഷ സംഹിതയിലെ വകുപ്പുകൾ പ്രകാരം കോടതിയിൽ റിപ്പോർട്ട് സമർപ്പിച്ചത്​.