വികസന സന്ദേശ ജാഥ ആരംഭിച്ചു

അമ്പലപ്പുഴ

എൽഡിഎഫ് അമ്പലപ്പുഴ തെക്ക് പഞ്ചായത്ത് കമ്മിറ്റിയുടെ വികസന സന്ദേശ പ്രചാരണ കാൽനട ജാഥക്ക് തുടക്കമായി. സിപിഐ എം ഏരിയ സെക്രട്ടറി സി ഷാംജി ജാഥാ ക്യാപ്റ്റൻ എ ഓമനക്കുട്ടന് പതാക കൈമാറി ഉദ്ഘാടനംചെയ്തു. ജി സുരേഷ് അധ്യക്ഷനായി. സിപിഐ മണ്ഡലം സെക്രട്ടറി ഇ കെ ജയൻ, ജാഥ മാനേജർ എ രമണൻ, കെ മോഹൻ ദാസ്, ജി ഷിബു, പി അരുൺ കുമാർ, പ്രശാന്ത് എസ് കുട്ടി, അഡ്വ.കരുമാടി ശശി എന്നിവർ സംസാരിച്ചു. ഞായർ രാവിലെ 9 ന് ശക്തീശ്വരിയിൽ നിന്നാരംഭിക്കുന്ന ജാഥ വെള്ളക്കട, കട്ടക്കുഴി, കൊച്ചട്ടിയിൽ, കോമന, വെള്ളാഞ്ഞിലി, സുനാമി കോളനി എന്നിവിടങ്ങളിൽ പര്യടനം നടത്തും. എച്ച് സലാം എം എൽ എ സമാപന സമ്മേളനം ഉദ്ഘാടനംചെയ്യും.