പ്രോജക‍്ട് ഓഫീസുകൾക്ക്​ മുന്നിൽ 
അങ്കണവാടി ജീവനക്കാരുടെ സൂചനാ സമരം

ആലപ്പുഴ

അങ്കണവാടി ജീവനക്കാരുടെ ജോലിഭാരം ലഘൂകരിക്കുന്നതിന്​ സംവിധാനങ്ങൾ നൽകുന്നതുവരെ ഇകെവൈസി, എഫ്ആർഎസ്, പിഎംഎംവിവൈ പ്രവർത്തനങ്ങൾ നിർത്തിവയ്ക്കണമെന്നും മാനസിക സമ്മർദമുണ്ടാക്കുന്ന മേലുദ്യോഗസ്ഥ നടപടികൾ അവസാനിപ്പിക്കണമെന്നും ആവശ്യപ്പെട്ട്​ അങ്കണവാടി വർക്കേഴ്സ് ആൻഡ് ഹെൽപ്പേഴ്സ് അസോസിയേഷൻ സിഐടിയു ഐസിഡിഎസ് പ്രോജക്ട് ഓഫീസുകൾക്ക്​ മുന്നിൽ സൂചനാ സമരം നടത്തി. നൂറുകണക്കിന്​ അങ്കണവാടി ജീവനക്കാർ അണിനിരന്നു. തൈക്കാട്ടുശേരിയിൽ വി ഐ പരമേശ്വരൻ ഉദ്​ഘാടനം ചെയ്​തു. യു സലില അധ്യക്ഷയായി. പട്ടണക്കാട്​ പി ഡി രമേശൻ ഉദ്​ഘാടനം ചെയ്​തു. സി എസ്​ ബീന അധ്യക്ഷയായി. കഞ്ഞിക്കുഴി അഡീഷണൽ പ്രോജക്​ടിൽ പി എസ്​ ഗോപി ഉദ്​ഘാടനം ചെയ്​തു. എൽ എസ്​ ശ്രീജ അധ്യക്ഷയായി. കഞ്ഞിക്കുഴിയിൽ ഡി പ്രിയേഷ്​കുമാർ ഉദ്​ഘാടനം ചെയ്​തു. ആര്യാട്​ പി പി സംഗീത ഉദ്​ഘാടനം ചെയ്​തു. ഷീന സനൽകുമാർ അധ്യക്ഷയായി. അമ്പലപ്പുഴയിൽ ജെ ജയകുമാർ ഉദ്​ഘാടനം ചെയ്​തു. ഹരിപ്പാട്​ സി പ്രസാദ്​ ഉദ്​ഘാടനം ചെയ്​തു. ശ്രീജ ഹരിലാൽ അധ്യക്ഷയായി. മുതുകുളത്ത്​ അഡ്വ. ബി രാജേന്ദ്രൻ ഉദ്​ഘാടനം ചെയ്​തു. മുതുകുളം അഡീഷണലിൽ കെ യേശുദാസ്​ ഉദ്​ഘാടനം ചെയ്​തു. അങ്കണവാടി ജീവനക്കാർ മാവേലിക്കരയിൽ നടത്തിയ സമരം സിഐടിയു ഏരിയ സെക്രട്ടറി എസ് അനിരുദ്ധൻ ഉദ്ഘാടനംചെയ്തു. വി സ്നേഹമതി അധ്യക്ഷയായി. ഭരണിക്കാവിൽ വി ബിനു ഉദ്​ഘാടനംചെയ്​തു. കെ കെ രാധാമണി അധ്യക്ഷയായി. ചെങ്ങന്നൂരിൽ എം ശശികുമാർ ഉദ്​ഘാടനം ചെയ്​തു. വെളിയനാട്​ കെ ആർ പ്രസന്നൻ ഉദ്​ഘാടനം ചെയ്​തു. കെ കെ കൃഷ്​ണകുമാരി അധ്യക്ഷയായി. അങ്കണവാടി വർക്കേഴ്സ് ആൻഡ് ഹെൽപ്പേഴ്സ് അസോസിയേഷൻ ജില്ലാ സെക്രട്ടറി എം കൃഷ്​ണലത സംസാരിച്ചു.