കുരുന്നുകൾക്കായി "ഹാഫ് ബർത്ത്ഡേ പദ്ധതി' ആരംഭിച്ചു

വണ്ടാനം ​

ആറുമാസം പ്രായമായ കുഞ്ഞുങ്ങളുടെ വളർച്ചയും വികാസവും ഉറപ്പാക്കുന്ന ഹാഫ് ബർത്ത്ഡേ പദ്ധതിക്ക് ആലപ്പുഴ വണ്ടാനം മെഡിക്കൽ കോളേജ് ആശുപത്രിയിൽ തുടക്കമായി. സംസ്ഥാനത്ത് ആദ്യമായി ഇ‍ൗ പദ്ധതി നടപ്പാക്കുന്നത് ​വണ്ടാനം മെഡിക്കൽ കോളേജാണ്​. മെഡിക്കൽ കോളേജിലെ ശിശുരോഗ വിഭാഗവും, നാഷണൽ നിയോനെറ്റോളജി ഫോറവും, ഇന്ത്യൻ അക്കാദമി ഓഫ് പീഡിയാട്രിക-്​സും ചേർന്ന് പരിപാടി എല്ലാ മാസവും സംഘടിപ്പിക്കും. ​ കുരുന്നുകൾക്ക് ആദ്യ ആറുമാസം മുലപ്പാൽ മാത്രം മതിയെങ്കിലും തുടർന്നുള്ള വളർച്ചയ-്​ക്കും വികാസത്തിനും പൂരകഭക്ഷണങ്ങൾ കൂടി ആവശ്യമാണ്. ഈ ഘട്ടത്തിൽ ശരിയായ പോഷണം കുഞ്ഞുങ്ങൾക്ക് ലഭിക്കുന്നുവെന്ന്​ ഉറപ്പാക്കാനാണ്​ ഹാഫ് ബർത്ത്ഡേ സംഘടിപ്പിക്കുന്നത്. ​ മെഡിക്കൽ കോളേജിൽ ജനിക്കുന്ന എല്ലാ കുഞ്ഞുങ്ങളെയും ജനിച്ച്​ ആറുമാസം പിന്നിടുമ്പോൾ ശിശുരോഗ വിദഗ്ധൻ പരിശോധിച്ച് ആരോഗ്യസ്ഥിതി വിലയിരുത്തും. ശരിയായ വളർച്ചയുണ്ടോ എന്നും, ശിശുവികാസത്തിന്റെ പ്രധാനഘട്ടങ്ങൾ ശരിയാംവണ്ണം കടക്കുന്നുണ്ടോ എന്നും പരിശോധിക്കും. ​കുരുന്നുകൾക്ക് കുറുക്ക് നൽകിയും കേക്ക് മുറിച്ചും എച്ച് സലാം എംഎൽഎ ഉദ്ഘാടനംചെയ-്​തു. ഇന്ത്യൻ അക്കാദമി ഓഫ് പീഡിയാട്രിക-്​സ്​ (ഐഎപി) സംസ്ഥാന പ്രസിഡന്റ്​ ഡോ. ഐ റിയാസ് അധ്യക്ഷനായി. പ്രിൻസിപ്പൽ ഡോ. ബി പത്മകുമാർ, ആശുപത്രി സൂപ്രണ്ട് ഡോ. എ ഹരികുമാർ, നാഷണൽ ന്യൂനറ്റോളജി ഫോറം സംസ്ഥാന പ്രസിഡന്റ്​ ഡോ. ഒ ജോസ്, ഐഎപി വൈസ് പ്രസിഡന്റ്​ സംഗീത ജോസഫ്, ഒ ആൻഡ്​​ ജി വിഭാഗം മേധാവി ഡോ. സംഗീതാ മേനോൻ, ശിശുരോഗ വിഭാഗം കൺസൾട്ടന്റ്​ ഡോ. മൈന, എഎപി സെക്രട്ടറി ഡോ. എ എസ് അൻഷ, ശിശുരോഗ വിഭാഗത്തിലെ പ്രൊഫ. ഡോ. ജയറാം ശങ്കർ എന്നിവർ സംസാരിച്ചു.