പ്രതിഷേധവുമായി വനിതാസംഗമം 

കൊച്ചി

വഖഫ്‌ നിയമഭേദഗതിക്കെതിരെ പ്രതിഷേധമുയർത്തി വനിതാസംഗമം.

‘സേവ് വഖഫ്, സേവ് കോൺസ്റ്റിറ്റ്യൂഷൻ’ മുദ്രാവാക്യവുമായി വഖഫ് ഭേദഗതിനിയമം പിൻവലിക്കണമെന്ന്‌ ആവശ്യപ്പെട്ട്​ അഖിലേന്ത്യ മുസ്ലിം വ്യക്തിനിയമ ബോർഡ്​ കേരളഘടകം നേതൃത്വത്തിൽ മുസ്ലിം വനിതാസംഘടനകളുമായി ചേർന്നാണ്‌ സംഗമം സംഘടിപ്പിച്ചത്‌.

ഇഖ്​റ ഹസ്സൻ എംപി ഉദ്‌ഘാടനം ചെയ്‌തു. അഖിലേന്ത്യ മുസ്ലിം വ്യക്തിനിയമ ബോർഡ് എക്സിക്യൂട്ടീവ് അംഗം എ റഹ്മത്തുന്നിസ അധ്യക്ഷയായി. ഡോ. ഖുദ്ദൂസ സുൽത്താന, മുസ്ലിംലീഗ്​ വനിതാവിഭാഗം ദേശീയ അധ്യക്ഷ എ എസ് ഫാത്തിമ മുസാഫിർ, അഡ്വ. ജലീസ ഹൈദർ, ഡോ. സോയ ജോസഫ്, ​പി ടി പി സാജിദ എന്നിവർ സംസാരിച്ചു.