സാനു മാമനെ 
നഷ്ടമായ വേദനയിൽ തോട്ടുംമുഖം ശ്രീനാരായണഗിരി അന്തേവാസികൾ

ആലുവ

‘‘ഞങ്ങൾക്കെല്ലാമായിരുന്നു​. സ്​നേഹ, വാത്സല്യങ്ങൾ നുകർന്ന്​ കൊതി തീർന്നിട്ടില്ലായിരുന്നു​. ഇനിയാ സ്​നേഹം ഇല്ലെന്ന്​ ഓർക്കുമ്പോൾ...’’ തോട്ടുംമുഖം ശ്രീനാരായണഗിരി അന്തേവാസികളുടെ വാക്കുകൾ പാതിമുറിഞ്ഞു. എം കെ സാനുവിനെ അവസാനമായി കണ്ടപ്പോൾ അവരുടെ മുഖത്ത്​ സങ്കടത്തിന്റെ കാർമേഘം പടർന്നു.

ശ്രീനാരായണഗിരി എം കെ സാനു മാഷിന്റെ ഏറ്റവും പ്രിയപ്പെട്ട ഇടമായിരുന്നു. ഇവിടെയുള്ള അന്തേവാസികൾക്ക്​ സാനു മാഷ്​ സാനു മാമനായിരുന്നു.

അവസാനമായി മാഷ് ശ്രീനാരായണഗിരിയിൽ എത്തിയത് പിറന്നാൾ ആഘോഷിക്കാനാണ്. ഇവിടവുമായുള്ള ആത്മബന്ധം കണ്ഠമിടറിയാണ് സാനു മാഷ് പ്രഭാഷണത്തിലൂടെ വിവരിച്ചത്. സഹോദരൻ അയ്യപ്പനും ഭാര്യ പാർവതി അയ്യപ്പനും ചേർന്നാണ്​ ശ്രീനാരായണഗിരി സ്ഥാപിച്ചത്​. ശ്രീനാരായണഗുരു ധ്യാനത്തിലിരുന്ന ശിലയും സഹോദരൻ അയ്യപ്പനും ഭാര്യ പാർവതിയും അന്ത്യവിശ്രമം കൊള്ളുന്ന സ്മൃതിമണ്ഡപവും ഇവിടെയുണ്ട്​. ഗിരിയിലെ ദൈനംദിന ചെലവുകൾക്ക് പണം കണ്ടെത്താൻ പാർവതി അയ്യപ്പനൊപ്പം സാനു മാഷും മുന്നിലുണ്ടായിരുന്നു. ഏറെ ദുരിതമനുഭവിച്ച ആദ്യനാളുകളിൽ ഗിരിക്കായി ശിവരാത്രി മണപ്പുറത്ത്

പണം സമാഹരിക്കുന്നതിന് കുഞ്ഞുങ്ങളോടൊപ്പം നിലക്കടല കച്ചവടത്തിനും പോയിട്ടുണ്ട്. പണമില്ലാത്ത കാലത്ത് കാർഷികോൽപ്പന്നങ്ങളുമായും സാനു മാഷ് ഗിരിയിലെത്തിയിരുന്നു.