ഡിവൈഎഫ്ഐ പ്രതിഷേധ 
ഫുട്ബോൾ ഷൂട്ടൗട്ട് മത്സരം നടത്തി

പള്ളുരുത്തി

കളിസ്ഥലം യാഥാർഥ്യമാക്കാതെ യുവാക്കളെ വഞ്ചിച്ച കുമ്പളങ്ങി പഞ്ചായത്ത് യുഡിഎഫ് ഭരണസമിതിക്കെതിരെ ഡിവൈഎഫ്ഐയുടെ നേതൃത്വത്തിൽ പ്രതിഷേധ ഫുട്ബോൾ ഷൂട്ടൗട്ട് മത്സരം നടത്തി. കെ ജെ മാക്സി എംഎൽഎ ഉദ്ഘാടനം ചെയ്തു. ഡിവൈഎഫ്ഐ ബ്ലോക്ക് പ്രസിഡന്റ്‌ പി സി അനന്തു അധ്യക്ഷനായി. സിപിഐ എം ജില്ലാ കമ്മിറ്റി അംഗം പി എ പീറ്റർ സമ്മാനദാനം നടത്തി.

ജോബി പനക്കൽ, ജെയ്സൺ ടി ജോസ്, കെ കെ സുരേഷ് ബാബു, എൻ എസ് സുനീഷ്, സജീവ് ആന്റണി, മാർട്ടിൻ ആന്റണി, എൻ ജി സരുൺ, ഷാൻസ്റ്റൻ ഷാജി, മിഥിൻ കെ തിലകൻ, മിക്സൻ ജോർജ് എന്നിവർ സംസാരിച്ചു. ബസാർ ബ്രദേഴ്സ് ഒന്നാംസ്ഥാനവും ബൂട്ട് സോക്കേഴ്‌സ് രണ്ടാംസ്ഥാനവും കരസ്ഥമാക്കി. മികച്ച ഗോളിയായി ബസാർ ബ്രദേഴ്സിലെ സിദാനെ തെരഞ്ഞെടുത്തു.