ഒന്നേമുക്കാൽ ലക്ഷം കുടുംബത്തിന്​ കുടിവെള്ളം

സ്വന്തം ലേഖിക

പത്തനംതിട്ട

"ജൽജീവൻ മിഷൻ’ പദ്ധതിയിലൂടെ ജില്ലയിൽ കുടിവെള്ളമെത്തിയത്​ 1,74,137 ഗ്രാമീണ കുടുംബങ്ങളിലേക്ക്​. ഭരണാനുമതി ലഭിച്ചത്​ 2,73,171 എണ്ണത്തിനാണ്​​. കോന്നി മണ്ഡലത്തിൽ 29,334ഉം അടൂരിൽ 19,276ഉം റാന്നിയിൽ 19,635ഉം ആറന്മുളയിൽ 37,646ഉം തിരുവല്ലയിൽ 48,826ഉം വീടുകളിൽ കുടിവെള്ളമെത്തി. ഒരുമാസം മുമ്പത്തെ കണക്കാണിത്​​. ഇതിൽ വർധനയുണ്ടായിട്ടുണ്ട്​. കോന്നി, നിരണം പഞ്ചായത്തുകളിൽ പദ്ധതി 100 ശതമാനം നടപ്പായിക്കഴിഞ്ഞു.

ഗ്രാമീണ വീടുകളിൽ കുടിവെള്ളമെത്തിക്കുന്ന ജൽജീവൻ മിഷന്‌ സംസ്ഥാന സർക്കാർ നാലുവർഷംകൊണ്ട്‌ നൽകിയത്‌ 6,033 കോടി രൂപയാണ്​. ഇതുവരെയുള്ള 11,643 കോടി രൂപയിൽ 5,610 കോടി മാത്രമാണ്​ കേന്ദ്രം നൽകിയത്‌. കേന്ദ്ര –- സംസ്ഥാന സർക്കാരുകൾ തുല്യചെലവ്‌ വഹിക്കുന്ന പദ്ധതിയിൽ നിലവിൽ കേന്ദ്രസർക്കാർ അനുവദിച്ചതിനേക്കാൾ 423 കോടി രൂപ കേരളം ചെലവിട്ടു.

ഭൂഗർഭജലത്തിന്റെ അമിതചൂഷണം ഒഴിവാക്കിയാണ്‌ പദ്ധതി കേരളത്തിൽ നടപ്പാക്കുന്നത്‌. സാമ്പത്തിക പ്രയാസത്തിനിടയിലും സംസ്ഥാനം പലപ്പോഴും ബജറ്റിൽ നീക്കിവച്ചതിലേറെ തുക നൽകി.

​

ഇതുവരെ നൽകിയ കണക്ഷൻ

2020–-21 = 17855

2021–-22 =18267

2022–-23 = 11464

2023–-24= 29827

2024–-25 = 13159

2025-–26 (ഇതുവരെ) = -1665