യൂത്ത് ഐക്കണ്‍ പുരസ്​കാരത്തിന്​ അപേക്ഷിക്കാം​

പത്തനംതിട്ട
സംസ്ഥാന യുവജന കമീഷന്‍ യൂത്ത് ഐക്കണ്‍ പുരസ്​കാരത്തിന് അപേക്ഷ ക്ഷണിച്ചു. യുവജനങ്ങള്‍ക്കിടയില്‍ നിര്‍ണായക സ്വാധീനം ചെലുത്തിയിട്ടുള്ളതും കല/സാംസ്‌കാരികം, സാഹിത്യം, കായികം, കൃഷി/മൃഗസംരക്ഷണം, വ്യവസായം/സാങ്കേതികവിദ്യ, മാധ്യമം തുടങ്ങിയ മേഖലകളില്‍ ഉന്നതനേട്ടം കൈവരിച്ച യുവജനങ്ങളെ പുരസ്​കാരത്തിന് പരിഗണിക്കും. നാമനിര്‍ദേശം നല്‍കാവുന്നതോ സ്വമേധയാ അപേക്ഷിക്കാവുന്നതോ ആണ്. പൊതുജനങ്ങളില്‍നിന്ന്​ കിട്ടുന്ന നിര്‍ദേശം പരിഗണിച്ച് വിദഗ്ധ ജൂറിയുടെ തീരുമാനത്തിന്​ വിധേയമായി ആറ് പേര്‍ക്കാണ് അവാര്‍ഡ്. യൂത്ത് ഐക്കണായി തെരഞ്ഞെടുക്കപ്പെടുന്നവര്‍ക്ക് 20,000 രൂപയുടെ സമ്മാനതുകയും ശില്‍പ്പവും നല്‍കും. നിര്‍ദേശം [email protected] ല്‍ അറിയിക്കണം. കമീഷന്റെ വികാസ് ഭവനിലെ ഓഫീസില്‍ നേരിട്ടും നല്‍കാം. അവസാന തീയതി 30. ഫോണ്‍ : 0471-2308630. ​