കെഎസ്​ടിഎ മാർച്ച്​ നാളെ

പാലക്കാട്

​ കേരളത്തിന്റെ വിദ്യാഭ്യാസ മുന്നേറ്റം തടയുന്ന കേന്ദ്ര വിദ്യാഭ്യാസ നയത്തിനെതിരെ ശനിയാഴ്ച കെഎസ്​ടിഎ മാർച്ചും ധർണയും നടത്തുമെന്ന്​ ഭാരവാഹികൾ വാർത്താസമ്മേളനത്തിൽ അറിയിച്ചു. വിക്ടോറിയ കോളേജ്​ പരിസരത്തുനിന്ന്​ ആരംഭിക്കുന്ന മാർച്ച്​ സ്റ്റേഡിയം ബസ്​സ്റ്റാൻഡിനുസമീപം അവസാനിക്കും. തുടർന്ന്​ ധർണ രാവിലെ 10ന്​​ കെ രാധാകൃഷ്ണൻ എംപി ഉദ്ഘാടനംചെയ്യും. കെഎസ്​ടിഎ സംസ്ഥാന വൈസ്​പ്രസിഡന്റ്​ പി എസ്​ സ്മിജ മുഖ്യപ്രഭാഷണം നടത്തും. വാർത്താസമ്മേളനത്തിൽ കെഎസ്​​ടിഎ ജില്ലാ പ്രസിഡന്റ്​ എ എം അജിത്​, ജില്ലാ സെക്രട്ടറി കെ അജില, ട്രഷറർ ജി പ്രദീപ്​, സംസ്ഥാന നിർവാഹക സമിതിയംഗം എം ആർ മഹേഷ്​കുമാർ എന്നിവർ പങ്കെടുത്തു.​