ഒളിമ്പിക്​ 
മുന്നിൽ

പാലക്കാട്​

ജില്ലാ ജൂനിയർ അത്​ലറ്റിക്​ മീറ്റിൽ എതിരാളികളെ ബഹുദൂരം പിന്നിലാക്കി പാലക്കാട്​ ഒളിമ്പിക്​ അത്​ലറ്റിക് ക്ലബ്​ കുതിക്കുന്നു. 81 പോയിന്റോടെയാണ്​ കുതിപ്പ്​​. പാലക്കാട്​ ടീം ഷുവർ അത്​ലറ്റിക് ക്ലബ്ബാണ്​ തൊട്ടുപിന്നിൽ. 40 പോയിന്റ്​. 33 പോയിന്റ്​ നേടി മുട്ടിക്കുളങ്ങര ക്യാപ്​ അത്​ലറ്റിക്​ അക്കാദമി പിന്നാലെയുണ്ട്​. പാലക്കാട്​ മെഡിക്കൽ കോളേജ്​ ഗ്ര‍ൗണ്ടിൽ വെള്ളിയാഴ്​ചയാണ്​ മത്സരങ്ങൾ തുടങ്ങിയത്​. രാവിലെ എട്ടിന്​ ജില്ലാ അത്​ലറ്റിക്​ അസോസിയേഷൻ പ്രസിഡന്റ്​ കെ സി കെ സെയ്​താലി പതാക ഉയർത്തി. 70 ക്ലബ്​, സ്ഥാപനങ്ങളിൽനിന്ന്​ 1,100 മത്സരാർഥികൾ പങ്കെടുക്കുന്നു. അണ്ടർ 20, 18, 16, 14 വിഭാഗങ്ങളിലാണ്​​ മത്സരം. 124 ഇനങ്ങൾ. ഹൈജമ്പ്​, ലോങ്​ ജമ്പ്​, ഷോട്ട്​പുട്ട്​, ജാവലിൻത്രോ, 100 മീറ്റർ, 400 മീറ്റർ, 600 മീറ്റർ, 1500 മീറ്റർ ഓട്ടം, 400 മീറ്റർ റിലേ, 1600 മീറ്റർ മിക്സഡ്​ റിലേ എന്നീ മത്സരങ്ങൾ വെള്ളിയാഴ്​ച നടന്നു. ലോങ്​ ജമ്പ്​, ഡിസ്​കസ്​ ത്രോ, ഷോർട്ട്​ പുട്ട്​, 800 മീറ്റർ റിലേ, ഹാമർ ത്രോ തുടങ്ങിയ മത്സരങ്ങൾ ശനിയാഴ്​ച നടക്കും.