അഭിഭാഷക ക്ഷേമനിധിയും 
സ്റ്റൈപ്പൻഡും വർധിപ്പിക്കണം

കോഴിക്കോട്‌ അഭിഭാഷക ക്ഷേമനിധി 20 ലക്ഷം രൂപയായും ജൂനിയർ അഭിഭാഷകരുടെ സ്റ്റൈപ്പൻഡ് 5000 രൂപയായും വർധിപ്പിക്കണമെന്ന്‌ ജില്ലാ യുവ അഭിഭാഷക കൺവൻഷൻ ആവശ്യപ്പെട്ടു. ഓൾ ഇന്ത്യ ലോയേഴ്സ് യൂണിയൻ അഖിലേന്ത്യ വൈസ് പ്രസിഡന്റ്‌ ഇ കെ നാരായണൻ ഉദ്ഘാടനംചെയ്തു. ജില്ലാ പ്രസിഡന്റ്‌ എം കെ ദിനേശൻ അധ്യക്ഷനായി. ജില്ലാ സെക്രട്ടറി കെ സത്യൻ റിപ്പോർട്ട് അവതരിപ്പിച്ചു. സംസ്ഥാന കമ്മിറ്റി അംഗങ്ങളായ ജോജു സിറിയക്ക്, കെ പി അശോക് കുമാർ, ഇ സ്മിത, ടൗൺ ബാങ്ക് വൈസ് ചെയർമാൻ ഒ എം ഭരദ്വാജ്, കെ സുനിൽകുമാർ എന്നിവർ സംസാരിച്ചു. സംസ്ഥാന കമ്മിറ്റി അംഗം കെ എൻ ജയകുമാർ സ്വാഗതവും പി ടി ദിലീപ് നന്ദിയും പറഞ്ഞു. അസിസ്റ്റ​ന്റ് പബ്ലിക് പ്രോസിക്യൂട്ടർ സുജയ സുധാകരൻ ക്ലാസെടുത്തു. യുവ അഭിഭാഷകർക്ക് നിയമപുസ്തകങ്ങൾ നൽകി. യുവ അഭിഭാഷക ജില്ലാ സബ് കമ്മിറ്റി ഭാരവാഹികൾ: പി ജതിൻ (ചെയർമാൻ), പി എം അജിഷ (കൺവീനർ), കെ അദ്വൈത് (ജോ. കൺവീനർ), സി കെ അൻഫാസ് (ജോ. കൺവീനർ).