തൊഴിൽ നൽകാനും 
കണ്ടെത്താനും ഒപ്പമുണ്ട്​​ സർക്കാർ

കോട്ടയം

തൊഴിൽ നൽകാനും ജനങ്ങൾക്ക്​​ സ്വന്തമായി തൊഴിൽ കണ്ടെത്താൻ സഹായിക്കുന്നതിലും മാതൃകാപരമായ പ്രവർത്തനം നടത്തി​ ജില്ലാ എംപ്ലോയ്​മെന്റ്​ എക്​സ്​ചേഞ്ച്​ ഓഫീസ്.​ തൊഴിൽ അന്വേഷകരിൽനിന്ന്​ തൊഴിൽ ദാതാവാക്കി മാറ്റാൻ സർക്കാർ സഹായത്തോടെ നിരവധി പദ്ധതികളാണ്​ ഇവിടെ നടപ്പാക്കുന്നത്​. 2024–25 വർഷം ജില്ലയിൽനിന്ന് 502 പേർക്കാണ്​​ എംപ്ലോയ്​മെന്റ്​ എക്​സ്​ചേഞ്ച് വഴി നിയമനം ലഭിച്ചത്​. ഇതിൽ പട്ടിക ജാതി, പട്ടിക വർഗ വിഭാഗത്തിൽനിന്നുള്ള 95പേരും ഉൾപ്പെടുന്നു. സ്വയം സംരംഭങ്ങൾ തുടങ്ങാൻ ആഗ്രഹിക്കുന്നവർക്ക്​ വിവിധ സഹായ പദ്ധതികളും ഓഫീസ് നടപ്പാക്കുന്നു​. പേര് രജിസ്റ്റർ ചെയ്‌തിട്ടുള്ളവർക്കായി മൾട്ടിപർപ്പസ് ജോബ് ക്ലബ്, കെസ്റു, ശരണ്യ, നവജീവൻ, കൈവല്യ തുടങ്ങിയ സ്വയംതൊഴിൽ പദ്ധതികളാണുള്ളത്​​​​​. ധനകാര്യ സ്ഥാപനങ്ങളുമായി ചേർന്നാണ് പദ്ധതികൾ നടപ്പാക്കുന്നത്. നിശ്ചിത തുക സർക്കാർ സബ്​സിഡിയായും നൽകും.