കർണാടകത്തിൽ ബലാത്സംഗക്കൊല; ബംഗ്ലാദേശ് സ്വദേശിയുടെ മൃതദേഹം കണ്ടെത്തി

ബം​ഗളൂരൂ : കർണാടകത്തിൽ യുവതിയെ ബലാത്സം​ഗം ചെയ്ത് കൊലപ്പെടുത്തി. ബം​ഗ്ലാദേശ് സ്വദേശിനിയായ 28കാരിയുടെ മൃതദേഹമാണ് കാൽക്കേരെ തടാകത്തിന് സമീപം ആളൊഴിഞ്ഞ പറമ്പിൽ കണ്ടെത്തിയത്. ബലാത്സം​ഗത്തിനു ശേഷം കൊലപ്പെടുത്തിയതായാണ് പ്രാഥമിക നി​ഗമനമെന്ന് പൊലീസ് പറഞ്ഞു.

ബം​ഗളൂരുവിൽ അപാർട്മെന്റുകളിൽ വീട്ടുജോലി ചെയ്താണ് യുവതി കഴി‍ഞ്ഞിരുന്നത്. വ്യാഴാഴ്ച ജോലി കഴിഞ്ഞിറങ്ങിയ യുവതി വീട്ടിലെത്തിയിരുന്നില്ല. തുടർന്ന് ഭർത്താവ് നൽകിയ പരാതിയിൽ നടത്തിയ അന്വേഷണത്തിലാണ് വെള്ളിയാഴ്ച രാവിലെയോടെ മൃതദേ​ഹം കണ്ടെത്തുന്നത്. ബിഎൻഎസ് സെക്ഷൻ 63 (ബലാത്സം​ഗം), 103 (കൊലപാതകം) വകുപ്പുകൾ ചുമത്തി പൊലീസ് അന്വേഷണം ആരംഭിച്ചിട്ടുണ്ട്.