ഡിഎസ്‌എസ്‌എസ്‌ബി കമ്പൈൻഡ് എക്‌സാമിനേഷൻ വിജ്ഞാപനം; പ്രൈമറി അധ്യാപകരുടെ 1180 ഒഴിവ്‌

ഡൽഹി സബോർഡിനേറ്റ് സർവീസസ് സെലക്ഷൻ ബോർഡ് (ഡിഎസ്എസ്‌എസ്‌ബി) അസിസ്റ്റന്റ് ടീച്ചർ (പ്രൈമറി) തസ്തികകളിലെ 1180 ഒഴിവുകളിലെ നിയമനത്തിനുള്ള കമ്പൈൻഡ് എക്സാമിനേഷൻ 2025ന്‌ വിജ്ഞാപനം പ്രസിദ്ധീകരിച്ചു. ഡയറക്ടറേറ്റ് ഓഫ് എഡ്യുക്കേഷൻ 1055, ന്യൂഡൽഹി മുനിസിപ്പൽ കൗൺസിൽ 125 എന്നിങ്ങനെയാണ് അവസരം.

​യോഗ്യത: എലിമെന്ററി ഡിപ്ലോമയും (അല്ലെങ്കിൽ തത്തുല്യം) അംഗീകൃത ബോർഡിൽ നിന്നുള്ള എലിമെന്ററി വിദ്യാഭ്യാസം . അല്ലെങ്കിൽ കുറഞ്ഞത് 45% മാർക്കും 2 വർഷത്തെ എലിമെന്ററി ഡിപ്ലോമയും. എൻ‌സി‌ടി‌ഇ (റെക്കഗ്‌നിഷൻ നോംസ്‌ ആൻഡ്‌ പ്രൊസീഡ്യുർസ്‌) ചട്ടങ്ങൾ - 2002 അനുസരിച്ച് എലിമെന്ററി വിദ്യാഭ്യാസം.കുറഞ്ഞത് 50% മാർക്കും 4 വർഷത്തെ എലമെന്ററി ബാച്ചിലർ (അല്ലെങ്കിൽ തത്തുല്യം) അല്ലെങ്കിൽ അംഗീകൃത ബോർഡിൽ നിന്ന് കുറഞ്ഞത് 50% മാർക്കും 2 വർഷത്തെ എഡ്യൂക്കേഷൻ ഡിപ്ലോമയും (സ്പെഷ്യൽ എഡ്യൂക്കേഷൻ) സീനിയർ സെക്കൻഡറി (അല്ലെങ്കിൽ തത്തുല്യം) നേടിയിരിക്കണം. അല്ലെങ്കിൽ അംഗീകൃത ബോർഡിൽനിന്ന് ബിരുദവും പ്രാഥമിക വിദ്യാഭ്യാസത്തിൽ രണ്ട് വർഷത്തെ ഡിപ്ലോമയും‍, സെൻട്രൽ ബോർഡ് ഓഫ് സെക്കൻഡറി എഡ്യൂക്കേഷൻ (സിബിഎസ്‌ഇ) നടത്തുന്ന സെൻട്രൽ ടീച്ചർ എലിജിബിലിറ്റി ടെസ്റ്റ് (സിടെറ്റ്‌) പാസായിരിക്കണം, ഹിന്ദി/ഉറുദു/പഞ്ചാബി/ഇംഗ്ലീഷ് ഒരു വിഷയമായി സെക്കൻഡറി തലത്തിൽ പാസായിരിക്കണം.

കുറിപ്പുകൾ: എസ്‌സി/എസ്‌ടി/ഒബിസി/പിച്ച്‌ പോലുള്ള സംവരണ വിഭാഗങ്ങളിൽപ്പെട്ട ഉദ്യോഗാർത്ഥികൾക്ക് യോഗ്യതാ മാർക്കിൽ 5% വരെ ഇളവ് (അക്കാദമിക് ഇളവ്) അനുവദിക്കും. യോഗ്യതകളിൽ ഡിഎസ്എസ്‌എസ്‌ബി/യോഗ്യതയുള്ള അതോറിറ്റിയുടെ വിവേചനാധികാരത്തിൽ ഇളവ് ലഭിക്കും, അല്ലാത്തപക്ഷം കാരണം എഴുത്തിൽ രേഖപ്പെടുത്തണം. ബന്ധപ്പെട്ട തസ്തികയിലെ റിക്രൂട്ട്‌മെന്റ് നിയമങ്ങളിലെ അവശ്യ യോഗ്യത ഇല്ലാത്ത ഉദ്യോഗാർത്ഥികൾ അപേക്ഷിക്കേണ്ടതില്ല. സേവനങ്ങളുടെ അടിസ്ഥാനത്തിൽ ഓ എം നമ്പർ F.19(11)/2015/S-IV/1751- 1756 തീയതി 11.06.2019, കരാർ/അതിഥി നിയമനങ്ങൾക്ക് ഇളവ് പ്രയോജനപ്പെടുത്താത്ത വിദ്യാഭ്യാസ ഡയറക്ടറേറ്റിലെ അധ്യാപകർക്ക്‌ ഉയർന്ന പ്രായത്തിൽ ഒറ്റത്തവണ വയസ്സിളവ് ബാധകമാണ്. പ്രായപരിധി: 30 വയസിൽ കൂടരുത്. നിയമാനുസൃത ഇളവ് ലഭിക്കും. അപേക്ഷാഫീസ്: 100 രൂപ. പട്ടികജാതി, പട്ടികവർഗം, ഭിന്നശേഷിക്കാർ, എക്സ് സർവീസ്മെൻ വിഭാഗക്കാർക്ക് ഫീസില്ല.

ഓൺലൈനായി സെപ്തംബർ 16 മുതൽ ഒക്ടോബർ 17 വരെ അപേക്ഷിക്കാം.

വെബ്സൈറ്റ്: www.dsssb.delhi.gov.in