മാറ്റിവച്ച ബിടെക് രണ്ടാം സെമസ്റ്റർ പരീക്ഷ ചൊവ്വാഴ്ച

തിരുവനന്തപുരം: കനത്ത മഴയെതുടർന്ന് ഇന്ന് മാറ്റിവച്ച എപിജെ അബ്ദുൾ കലാം സാങ്കേതിക സർവകലാശാല ബിടെക് രണ്ടാം സെമസ്റ്റർ (2024 സ്കീം) പരീ​ക്ഷ ചൊവ്വാഴ്ച (27) നടത്തുമെന്ന് അധികൃതർ അറിയിച്ചു. ചൊവ്വാഴ്ച നടത്താൻ നിശ്ചയിച്ചിരുന്ന ബിടെക് ഒന്നാം സെമസ്റ്റർ സപ്ലിമെന്ററി പരീക്ഷ മറ്റൊരുദിവസത്തേക്ക് മാറ്റി. തീയതി പിന്നീട് അറിയിക്കും. ഇന്ന് നടത്തേണ്ടിയിരുന്ന മറ്റ് പരീക്ഷകളുടെ തിയതി പിന്നീട് അറിയിക്കും.