തിളച്ച കോഫി വീണ് പൊള്ളലേറ്റു: ഡെലിവറി ജീവനക്കാരന് 50 മില്യൺ ഡോളർ നൽകണമെന്ന് സ്റ്റാർബക്സിനോട് കോടതി

കലിഫോർണിയ : ഡെലിവറി ചെയ്യുന്നതിനിടെ തിളച്ച കോഫി ശരീരത്ത് വീണ് ​ഗുരുതരമായി പൊള്ളലേറ്റ ജീവനക്കാരന് 50 മില്യൺ ഡോളർ (43 ലക്ഷം കോടി) നഷ്ടപരിഹാരം നൽകണമെന്ന് സ്റ്റാർബക്സിനോട് ഉത്തരവിട്ട് കലിഫോർണിയ കോടതി. ഡെലിവറി ജീവനക്കാരനായ മൈക്കിൾ ​ഗാർസിയയ്ക്കാണ് കോഫി നിർമാണ മേഖലയിലെ ഭീമൻമാരായ സ്റ്റാർബക്സ് ഭീമമായ തുക നഷ്ടപരിഹാരം നൽകേണ്ടത്. 2020ലായിരുന്നു സംഭവം.

മൂന്ന് കോഫി ഡെലിവറി ചെയ്യാനായി കൊണ്ടുപോകുന്നതിനിടെ അബദ്ധത്തിൽ ഒരെണ്ണം ശരീരത്ത് വീഴുകയായിരുന്നു. കൃത്യമായി പാക്ക് ചെയ്യാത്ത കോഫിയാണ് മൈക്കിളിന്റെ ശരീരത്ത് വീണത്. മൈക്കിളിന് ​ഗുരുതരമായി പൊള്ളലേറ്റു. അപകടത്തെത്തുടർന്ന് തന്റെ നാഡിക്ക് ക്ഷതം സംഭവിച്ചുവെന്നും മൈക്കിൾ പറയുന്നു. സുരക്ഷാ മാനദണ്ഡങ്ങൾ പാലിച്ചില്ലെന്നു കാണിച്ചാണ് സ്റ്റാർബക്സിനെതിരെ കേസ് നല്‌‍കിയത്.