വെടിനിർത്തൽ ചർച്ചക്കിടയിലും ​ഗാസക്കുനേരെ നെതന്യാഹു ; പ്രതിഷേധിച്ച് ലോകരാജ്യങ്ങൾ

ജെറുസലേം: വെടിനിർത്തൽ ചർച്ചകൾ പുരോ​ഗമിക്കുമ്പോഴും ​ഗാസ ന​ഗരം പിടിച്ചെടുക്കാൻ ഇസ്രയേൽ ശ്രമം. ​ഗാസ പിടിച്ചെടുക്കാനുള്ള അവസാന നിർദ്ദേശം വ്യാവാഴ്ച ഇസ്രയേൽ പട്ടാളത്തിന് നൽകിയെന്ന് പ്രസിഡന്റ് ബെഞ്ചമിൻ നെതന്യാഹു പറഞ്ഞു.

ഇസ്രയേൽ നിബന്ധനകൾക്കനുസൃതമായി വെടിനിർത്തലും ത‌ടവിലാക്കപ്പെട്ടവരെ ​കെെമാറലുമായി ബന്ധപ്പെട്ട ചർച്ചകൾ നടക്കുന്നതിനിടെയാണ് ​ഗാസ ന​ഗരം പിടിച്ചെ‌ടുക്കാൻ നെതന്യാഹു ശ്രമിക്കുന്നത്. രണ്ട് വർഷത്തെ വംശഹത്യ അവസാനിപ്പിക്കുന്നതിനുള്ള ​ഗൗരവതരമായ ശ്രമം നടക്കുന്നതിനിടെയാണ് നെതന്യാ​ഹു വീണ്ടും ​ഗാസക്കെതിരെ നീങ്ങുന്നത്. ​ഗാസ ന​ഗരം പിടിച്ചെടുക്കുന്നതിനായി നിങ്ങൾക്ക് നിർദേശം നൽകാനൊരുങ്ങുകയാണ് . പട്ടാളക്കാരോട് സംസാരിക്കവെ നെതന്യാഹു പറഞ്ഞു. ​ഗാസയിൽ 10 ലക്ഷം പേരെ നിർബന്ധിച്ച് ഒഴിപ്പിക്കുകയും അവരുടെ വീട് തുടർന്ന് തകർക്കുകയുമായിരുന്നു ഇസ്രയേല്‍

​ഗാസ പിടിച്ചെടക്കുന്നതിനൊപ്പം വെടിനിത്തൽ ചർച്ചയ്ക്കും ആളുകളെ കെെമാറുന്നതിനുമുള്ള ചര്‍ച്ചയിലും നതന്യാഹു പങ്കെടുക്കുന്നു. ഇസ്രയേൽ നടത്തുന്ന നീതീകരിക്കാനാകാത്ത നിലപാടിനെ രാജ്യത്തിനകത്ത് നിന്നും അതേസമയം അന്താരാഷ്ട്ര തലത്തിലും വലിയ പ്രതിഷേധത്തിന് ഇടയാക്കി. റെഡ്ക്രോസ് അടക്കമുള്ള സംഘടനകൾ വ്യാഴാഴ്ച്ചത്തെ ഇസ്രയേലിന്റെ നിലപാടിനെ അപലപിച്ചു.

​ഗാസ ന​​ഗര പ്രദേശത്ത് നിന്നും മാറിയുള്ള ഇസ്രയേലി അതിർത്തിയിൽ ​ ജെറ്റ് വിമാനങ്ങളുടെ ആക്രമണമുണ്ടായി. വ്യാഴാഴ്ച ഉച്ചയോടെയായിരുന്നു ഇത്. വലിയ സ്ഫോടന ശബ്ദവും ഒപ്പം വൻതോതിൽ പുകയുമുയർന്നു. വീണ്ടും നിരവധി തവണ സ്ഫോടനമുണ്ടായെന്നും എന്നാൽ പ്രദേശമേതെന്ന് മനസിലാക്കാനായില്ലെന്ന് എഎഫ്പി റിപ്പോർട്ടർമാർ വ്യക്തമാക്കി, 'ദ ന്യൂ അറബ്' വെബ്സെെറ്റ് വിശദീകരിച്ചു