ലെെഫ് സയൻസ് ,ബയോടെക്നോളജി ​ഗവേഷണങ്ങൾക്ക് ഒറ്റ പരീക്ഷ നടത്താനുള്ള സർക്കാർ നീക്കം പിൻവലിക്കുക : എസ്എഫ്ഐ

ന്യൂഡൽഹി: ലെെഫ് സയൻസ് ബയോടെക്നോളജി ​ഗവേഷണ പരീക്ഷകൾ ഒന്നിച്ച് നടത്താനുള്ള കേന്ദ്രസർക്കാർ തീരുമാനത്തിനെതിരെ ശക്തമായ പ്രതിഷേധവുമായി എസ്എഫ് ഐ. എസ്എഫ് ഐ കേന്ദ്ര എക്സിക്യൂട്ടീവ് തീരുമാനത്തിൽ ശക്തമായ എതിർപ്പ് രേഖപ്പെടുത്തി. തീരുമാനം ഉടനടി പിൻവലിക്കണമെന്ന് പറഞ്ഞ എസ്എഫ് ഐ രാജ്യവ്യാപകമായി യൂണിവേഴ്സിറ്റി ക്യംപസുകളിലേക്ക് പ്രതിഷേധം സംഘടിപ്പിക്കുമെന്നും അറിയിച്ചു.

ലെെഫ് സയൻസ് ബയോെക്നോളജി എന്നീ നെറ്റ് പരീക്ഷകൾ ഒന്നിച്ചുനടത്തുനന്നത് സംബന്ധിച്ച് പരീക്ഷാർഥികളുടെ അഭിപ്രായം ആരാഞ്ഞു കൊണ്ട് കൗൺസിൽ ഓഫ് സയന്റിഫിക് ആൻഡ് ഇൻഡസ്ട്രിയൽ റിസർച്ച് - ഹ്യൂമൻ റിസോഴ്‌സ് ഡെവലപ്‌മെന്റ് ഗ്രൂപ്പ്, വിജ്ഞാപനം പുറപ്പെടുവിരുന്നു. രണ്ട് വിഷയങ്ങളും ഒരുമിപ്പിച്ചുള്ള സിലബസിന്റെ ഡ്രാഫ്റ്റും നോട്ടിഫിക്കേഷനൊപ്പമുണ്ടായിരുന്നു. -എസ്എഫ്ഐ പറയുന്നു.

നിലവിലുള്ള 250 ബയോടെക്നോളജി ഫെല്ലോഷിപ്പുകൾക്ക് എന്ത് സംഭവിക്കുമെന്ന ആശങ്കയ്ക്ക് പ്രൊപ്പോസലിൽ വ്യക്തത വരുത്തുന്നില്ല. ഇതിൽ 150 എണ്ണം ബയോടെക്നോളജി പിഎച്ഡി അഡ്മിഷനും, 100 എണ്ണം ഫണ്ടഡ് റിസർച്ച് പദ്ധതികൾക്കുമാണ്. ഇക്കാര്യത്തിൽ ഇപ്പോഴും കൃത്യത വരുന്നില്ല. ഈ 250 ഫെല്ലോഷിപ്പുകളാണ് ലെെഫ് സയൻസുമായി ബന്ധിപ്പിക്കാനൊരുങ്ങുന്നത്.

സിലബസ് ഒന്നിപ്പിക്കുന്നതിലൂടെ വിദ്യാർഥികൾക്ക് സങ്കീർണമായ പഠന വിഷയങ്ങളാണുണ്ടാവുക. ബോട്ടണി, സുവോളജി, മെെക്രോബയോളജി, ഫിസിയോളജി എന്നിങ്ങനെ വ്യത്യസ്തമായ സബ്ജക്ടുകൾ ഒന്നിച്ചുവരുന്ന സ്ഥിതിയാണ് തുടർന്നുണ്ടാകുന്നത്. മാക്സ് ,ഫിസിക്സ് ,കെമിസ്ട്രി എ‍ഞ്ചിനീയറിം​ഗ് എന്നീ ബയോടെക്നോളജി വിഷയങ്ങൾ ലെെഫ് സയൻസുമായി കൂട്ടിയോജിപ്പിക്കുന്നു. ഇന്റർ ഡിസിപ്ലിനറി സംവിധാനവുമായി വിദ്യാർഥികൾ ഒരു തരത്തിലും സജ്ജമായിട്ടില്ല. അതിനാൽ കൂടുതൽ ​​ഗവേഷകരെ സഭിക്കുന്നതിന് പകരം പലരും പുറത്തുപോകാനാണ് കാരണമാകുന്നതെന്നും എസ്എഫ് ഐ വ്യക്തമാക്കി.

ഉന്നത വിദ്യാഭ്യാസത്തിനും ​​ഗവേഷണത്തിനുമെതിരെ കേന്ദ്ര സർക്കാർ നടത്തിവരുന്ന പ്രവർത്തനങ്ങളുടെ ഭാ​ഗമായി ജനപിന്തുണയിൽ വലിയ ഇടിവാണ് ഉണ്ടായിരിക്കുന്നത്. മൗലാനാ ആസാദ് ഫെല്ലോഷിപ്പ് തുടരാതിരുന്നതും സാവിത്രി ഫൂലെ ഫെല്ലോഷിപ്പ് ,പ്രെെം മിനിസ്റ്റർ റിസർച്ച് ഫെല്ലോഷിപ്പ് എന്നിവ ഒഴിവാക്കിയതും, തിടുക്കത്തിൽ ഫണ്ടിം​ഗ് നിർത്തലാക്കിയതിന്റെ ഭാ​ഗമായിരുന്നു.

എസ്എഫ് ഐ ആവശ്യപ്പെടുന്നു

വിഷയങ്ങളെ കൂട്ടിയോജിപ്പിക്കാനുള്ള തീരുമാനം ഉടൻ പിൻവലിക്കുക.

സിഎസ്ഐആർ- ജിബിറ്റി കോഴ്സുകൾക്ക് കൂടുതൽ ജെആർഎഫ് ഫെല്ലോഷിപ്പുകൾ ഏർപ്പെടുത്തുക. ഫെല്ലോഷിപ്പുകൾ പൊതുവിൽ വർധിപ്പിക്കുക.

തീരുമാനം പിൻവലിക്കുന്നതിനായി ​ ​ഗവേഷകരടക്കമുള്ള രാജ്യത്തെ മുഴുവൻ വിദ്യാർഥി സംഘടനകൾ , സയൻസ് കമ്യൂണിറ്റികൾ ഉന്നത വിദ്യാഭ്യാസ രം​ഗം എന്നിങ്ങനെ ഒരുമിച്ചുനിന്ന് സർക്കാർ തീരുമാനത്തെ എതിർത്തുതോൽപ്പിക്കണമെന്നും എസ്എഫ്ഐ പ്രസ്താവനയിൽ വ്യക്തമാക്കി.