പ്രസവത്തിനിടെ ഹൃദയാഘാതം; മഹാരാഷ്ട്രയിൽ യുവതിയും കുഞ്ഞും മരിച്ചു

മുംബൈ > പ്രസവത്തിനിടെ ഹൃദയാഘാതത്തെത്തുടർന്ന് യുവതി മരിച്ചു. പാൽഘർ സ്വദേശിനിയായ 31കാരിയാണ് മരിച്ചത്. ചൊവ്വാഴ്ച രാത്രിയാണ് ശാരീരികാസ്വസ്ഥതകളെത്തുടർന്ന് യുവതിയെ പ്രദേശവാസികൾ പരിസരത്തുള്ള ക്ലിനിക്കിൽ എത്തിക്കുന്നത്.

തുടർന്ന് വിദ​ഗ്ധ ചികിത്സയ്ക്കായി സർക്കാർ ആശുപത്രിയിലേക്ക് മാറ്റി. എന്നാൽ പ്രസവത്തിനിടെ യുവതി ഹൃദയാഘാതത്തെത്തുടർന്ന് മരണമടയുകയായിരുന്നു. യുവതിയുടെ കുഞ്ഞും മരിച്ചു. മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകും.