കെജ്‌രിവാൾ രാജ്യസഭയിലേക്കില്ലെന്ന് എഎപി
ന്യൂഡൽഹി: ഡൽഹി തെരഞ്ഞെടുപ്പ്‌ തോൽവിക്ക്‌ പിന്നാലെ അരവിന്ദ്‌ കെജ്‌രിവാൾ രാജ്യസഭാംഗമാകാൻ ശ്രമിക്കുന്നുവെന്ന റിപ്പോർട്ടുകൾ എഎപി തള്ളി. ലുധിയാന വെസ്റ്റ്‌ നിയമസഭാ മണ്ഡലത്തിലെ ഉപതെരഞ്ഞെടുപ്പിൽ എഎപി രാജ്യസഭാ എംപി സഞ്‌ജീവ്‌ അറോറയെ സ്ഥാനാർഥിയാക്കിയതോടെയാണ്‌ അഭ്യൂഹം പരന്നത്. സഞ്‌ജീവ്‌ അറോറ ലുധിയാന വെസ്റ്റിൽ ജയിച്ചാൽ ഒഴിവുവരുന്ന രാജ്യസഭാ സീറ്റിൽ കെജ്‌രിവാളിനെ എഎപി നിർദേശിക്കുമെന്നാണ്‌ റിപ്പോർട്ട്‌.
ബിജെപിയുടെ നുണ ഫാക്‌റ്ററിയിൽ നിന്നാണ്‌ ഇത്തരം റിപ്പോർട്ടുകളെന്നും കോൺഗ്രസും കൂട്ടരും അത്‌ ഏറ്റുപിടിക്കുകയാണെന്നും എഎപി വക്താവ്‌ നീൽ ഗാർഗ്‌ പ്രതികരിച്ചു. ലുധിയാന വെസ്റ്റിലെ എഎപിയുടെ എംഎൽഎ ഗുർപ്രീത്‌ ബസ്സി ജോഗി ജനുവരി 10ന്‌ വെടിയേറ്റ്‌ കൊല്ലപ്പെട്ടിരുന്നു.
Related News
Dont Miss it
0 comments