പഹല്‍ഗാമിൽ സുരക്ഷാ വീഴ്ചയുണ്ടായി; ഏറ്റു പറഞ്ഞ് ലഫ്റ്റനന്റ് ഗവര്‍ണർ മനോജ് സിന്‍ഹ

പഹല്‍ഗാം ഭീകരാക്രമണം സുരക്ഷാ വീഴ്ചയായിരുന്നെന്ന് സമ്മതിച്ച് ജമ്മു കശ്മീർ ലഫ്റ്റനന്റ് ഗവര്‍ണര്‍ മനോജ് സിന്‍ഹ. സുരക്ഷാ ഉദ്യോഗസ്ഥര്‍ക്ക് അവിടെ ജോലിചെയ്യുന്നതിനുള്ള സ്ഥലമോ സൗകര്യങ്ങളോ ഇല്ലായിരുന്നെന്നും അദ്ദേഹം തുറന്നു പറഞ്ഞു. ലഫ്. ഗവര്‍ണര്‍ പദവിയിലെത്തി അഞ്ചുവര്‍ഷം പൂര്‍ത്തിയാകുന്ന സാഹചര്യത്തിൽ ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തിലാണ് വീഴ്ച ഏറ്റുപറഞ്ഞത്.

“ഒരു വർഗീയ വിഭജനം സൃഷ്ടിക്കുക എന്നതായിരുന്നു അയൽക്കാരന്റെ ഉദ്ദേശ്യം.” “സംഭവത്തിന്റെ പൂർണ്ണ ഉത്തരവാദിത്തം ഏറ്റെടുക്കുന്നു, അത് നിസ്സംശയമായും ഒരു സുരക്ഷാ പരാജയമായിരുന്നു.” എന്നായിരുന്നു വാക്കുകൾ.

എന്നാൽ ആക്രമണത്തെത്തുടർന്ന് കശ്മീരിലെ ജനങ്ങൾ നടത്തിയ അപലപനവും പ്രതിഷേധവും പാകിസ്ഥാനും ഭീകര സംഘടനകൾക്കും നൽകിയ ഉചിതമായ മറുപടിയായി മാറി. ഭീകരത ഇനി ഇവിടെ സ്വീകാര്യമല്ല എന്നതിന്റെ വ്യക്തമായ സൂചനകളായിരുന്നു അവ.

ആഭ്യന്തര മന്ത്രാലയവും പ്രതിരോധ മന്ത്രാലയവും നമ്മുടെ രഹസ്യാന്വേഷണ ഏജൻസികളും പാകിസ്ഥാനെ നിരീക്ഷിക്കുന്നുണ്ടെന്ന് എനിക്ക് ഉറപ്പുണ്ട്. എന്നാൽ ജമ്മു മേഖലയിലും കശ്മീർ മേഖലയിലും ധാരാളം ഭീകരരുടെ നുഴഞ്ഞുകയറ്റത്തിന് പാകിസ്ഥാൻ സൗകര്യമൊരുക്കിയിട്ടുണ്ട് എന്നതും ഒരു വസ്തുതയാണ്. പഹൽഗാം സംഭവം ജമ്മു കശ്മീരിലെ ടൂറിസത്ത ബാധിച്ചു. പഹൽഗാം സംഭവത്തിനുശേഷം വിനോദസഞ്ചാരികളുടെ വരവ് ഏതാണ്ട് നിലച്ചു. ഓപ്പറേഷന്‍ സിന്ദൂറിന് ശേഷം ജമ്മു കശ്മീരില്‍ ആക്രമണങ്ങളൊന്നുമുണ്ടായിട്ടില്ല.

പ്രാദേശിക ഭീകര റിക്രൂട്ട്മെന്റ് എക്കാലത്തെയും താഴ്ന്ന നിലയിലാണ്. കഴിഞ്ഞ വർഷം 6 മുതൽ 7 വരെ ആയിരുന്നെങ്കിൽ ഈ വർഷം ഒരു പ്രാദേശിക റിക്രൂട്ട്മെന്റ് മാത്രമേ ഉണ്ടായിട്ടുള്ളൂ; ഈ കണക്ക് 150-200 ആയിരുന്ന ഒരു സമയമുണ്ടായിരുന്നു. എന്നാൽ ജമ്മു മേഖലയിലും കശ്മീർ മേഖലയിലും ധാരാളം തീവ്രവാദികളുടെ നുഴഞ്ഞുകയറ്റത്തിന് സൗകര്യമൊരുക്കി എന്നതും ഒരു വസ്തുതയാണ്- അദ്ദേഹം പറഞ്ഞു.