ഹൃദയംകൊണ്ട് പാഞ്ഞ് ഹൈദരാബാദ് മെട്രോ

ഹൈദരാബാദ്: ഹൃദയം മാറ്റിവയ്ക്കൽ ശസ്ത്രക്രിയയ്ക്കായി ഹൈദരാബാദിൽ യുവാവിന്റെ "ഹൃദയ'വുമായി കുതിച്ചുപാഞ്ഞ് മെട്രോ. അപകടത്തിൽ മസ്തിഷ്കമരണം സംഭവിച്ച യുവാവിന്റെ ഹൃദയമാണ് മെട്രോയില്‍ എൽബി ന​ഗറിലെ ആശുപത്രിയിൽ നിന്ന് ലക്ഡി കാ പുലിലെ ആശുപത്രിയിലേക്കാണ് എത്തിച്ചത്.

ഡോക്ടര്‍മാരടങ്ങുന്ന സം​ഘവുമായി 13 സ്റ്റേഷനുകള്‍ക്കിടിയിലെ 13 കിലോമീറ്റര്‍ ദൂരം 13 മിനുട്ട് കൊണ്ടാണ് മറികടന്നതെന്ന് ഹൈദരാബാദ് മെട്രോ റെയിൽ അധികൃതര്‍ അറിയിച്ചു. തിരക്കേറിയ റോഡിലൂടെയുള്ള യാത്രയ്ക്ക് സമയമെടുക്കുമെന്നതിനാലാണ് മെട്രോ ട്രെയിനെ ആശ്രയിച്ചത്.