വെെദ്യുതി തടസമുണ്ടായത് ചോദ്യം ചെയ്തു;താമസക്കാർക്ക് ക്രൂര മർദനം

ലക്നൗ> വെെദ്യുതി തടസമുണ്ടായത് ചോദ്യം ചെയ്തതിനെ തുടർന്ന് ഉത്തർപ്രദേശിൽ പ്രദേശവാസികളശ്‍ക്ക് ക്രൂര മർദനം. ഗ്രേറ്റർ നോയിഡയിലാണ് സംഭവം.

എക്കോ - 1 ​ഗ്രാമത്തിൽ വ്യാഴാഴ്ച രാത്രിയാണ് സംഭവം. ഫ്ളാറ്റിലെ ​ഗാർഡുകളും മറ്റ് സ്റ്റാഫുകളുമാണ് താമസക്കാരെ മർദിച്ചത്. കെെകൊണ്ടും വടികളുപയോ​ഗിച്ചും അക്രമിക്കുകയായിരുന്നു. കുട്ടിയുടെ മുന്നിൽ വെച്ച് താമസക്കാരെ വടി ഉപയോ​ഗിച്ച് മർദിക്കുന്നതിന്റെ വീഡിയോ പുറത്ത് വന്നു.

ഫ്ളാറ്റിൽ മണിക്കൂറുകളോളം വെെദ്യുതി മുടങ്ങിയതിനെ തുടർന്ന് താമസക്കാർ പ്രതിഷേധിച്ചിരുന്നു. കാര്യമന്വേഷിച്ച് ചെന്നപ്പോൾ ഉദ്യോ​​ഗസ്ഥർ യാതൊരു മറുപടിയും നൽകിയിരുന്നില്ല, തുടർന്ന് ഇരുവരും തമ്മിൽ ശക്തമായ വാ​ഗ്വാദത്തിൽ ഏർപപ്പെട്ടു. പെട്ടെന്ന് സുരക്ഷ ഉദ്യോ​​ഗസ്ഥരും ജീവനക്കാരും അക്രമാസക്തമാകുകയായിരുന്നു, മൂന്ന് മണിക്കൂറായി വെെദ്യുതി ഇല്ലായിരുന്നു - താമസക്കാരിലലൊരാൾ പറഞ്ഞു.

രണ്ട് മൂന്ന് മണിക്കൂറുകളായി വെെദ്യുതി ഇല്ലായിരുന്നു. തുടർന്ന് ഫോൺ ചെയ്തെങ്കിലും സുരക്ഷ സ്റ്റാഫ് ഫോൺ എടുക്കാൻ തയ്യാറായില്ല. താഴെയെത്തി കാര്യം പറഞ്ഞപ്പോൾ അവർ തട്ടിക്കയറി . കോളറിൽ പിടിക്കുകയും വടികൊണ്ട് മർദിക്കുകയും ചെയ്തു. കുഞ്ഞ് തൊട്ടടുത്തുനിന്ന് കരയുകയായിരുന്നു- അദ്ദേഹം പറഞ്ഞു

നാല് ജീവനക്കാരെ അറസ്റ്റ് ചെയ്തു. രവീന്ദ്ര, സോഹിത്ത്, സച്ചിൻ കുന്താൽ , വിപിൻ കസന എന്നിവരെയാണ് പിടികൂടിയത്.