പൂനെയിൽ ട്രക്കുകൾക്കിടയിൽ കാർ കുടുങ്ങി അപകടം: എട്ട് മരണം

പൂനെ: പൂനെയിൽ രണ്ട് ട്രക്കുകൾക്കിടയിൽ കാർ കുടുങ്ങി എട്ട് മരണം. അപകടത്തിൽ 15 പേർക്ക് പരിക്കേറ്റു. പൂനെയിലെ നവലെ പാലം പ്രദേശത്തായിരുന്നു അപകടം. തുടർന്ന് ട്രക്കിന് തീപിടിച്ചു.

അപകട വിവരം ലഭിച്ചയുടനെ അ​ഗ്നിരക്ഷാ സേന സ്ഥലത്തെത്തി രക്ഷാപ്രവർത്തനം ആരംഭിച്ചു. അപകടത്തെത്തുടർന്ന് ദേശീയ പാതയിലെ ഗതാഗതം പൂർണ്ണമായും നിർത്തിവച്ചു. ഇത് വലിയ ഗതാഗതക്കുരുക്കിന് കാരണമായി.

അപകടത്തിൽ പരിക്കേറ്റവരെ അടുത്തുള്ള ആശുപത്രിയിൽ പ്രവേശിപ്പിച്ചു. അപകടം എങ്ങനെ സംഭവിച്ചുവെന്ന അന്വേഷണം പുരോ​ഗമിക്കുകയാണ്. നിലവിൽ, പരിക്കേറ്റവർക്ക് ആശുപത്രിയിൽ അടിയന്തര ചികിത്സ ലഭ്യമാക്കുകയാണെന്ന് പൂനെ പൊലീസ് ഡിസിപി സാംബാജി കദം പറഞ്ഞു.

അപകടത്തിൽ മരിച്ചവരുടെ കുടുംബങ്ങൾക്ക് മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്‌നാവിസ് 5 ലക്ഷം രൂപ നഷ്ടപരിഹാരം പ്രഖ്യാപിച്ചു.