ഡൽഹിയിൽ നിരവധി സ്കൂളുകളിൽ ബോംബ് ഭീഷണി; പരിശോധന ആരംഭിച്ചു

ന്യൂഡൽഹി: ഡൽഹിയിൽ നിരവധി സ്കൂളുകളിൽ ബോംബ് ഭീഷണി. ശനിയാഴ്ച രാവിലെയാണ് ഭീഷണി സന്ദേശങ്ങൾ ലഭിച്ചത്. തുടർന്ന് പ്രദേശത്ത് പരിഭ്രാന്തി പരന്നു. ദ്വാരകയിലെ ഡൽഹി പബ്ലിക് സ്‌കൂൾ (ഡിപിഎസ്), കൃഷ്ണ മോഡൽ പബ്ലിക് സ്‌കൂൾ, സർവോദയ വിദ്യാലയം എന്നിവയ്‌ക്കാണ് ഭീഷണി ലഭിച്ചതെന്ന് ഉദ്യോ​ഗസ്ഥർ പറഞ്ഞു.

ഭീഷണി നേരിട്ട സ്കൂളുകളിൽ പൊലീസും ബോംബ് സ്‌ക്വാഡുകളും പരിശോധന നടത്തുകയാണ്. വിദ്യാർഥികളെയും അധ്യാപകരെയും മുൻകരുതൽ നടപടിയുടെ ഭാ​ഗമായി സ്കൂളുകളിൽ നിന്നും ഒഴിപ്പിച്ചു. സംശയാസ്പദമായി ഇതുവരെ ലഭിച്ചിട്ടില്ല എന്നാണ് റിപ്പോർട്ട്.

ഭീഷണി സന്ദേശങ്ങളുടെ ഉറവിടം എവിടെ നിന്നാണെന്ന് അന്വേഷണം നടക്കുകയാണ്. പരിഭ്രാന്തി സൃഷ്ടിക്കാനുള്ള ആസൂത്രിത ശ്രമത്തിന്റെ ഭാഗമാണോയെന്നും അധികൃതർ അന്വേഷിച്ചുവരികയാണെന്ന് പൊലീസ് പറഞ്ഞു.