മഹാരാഷ്ട്രയിൽ പുള്ളിപുലിയുടെ ആക്രമണം: അഞ്ച് വയസുകാരൻ കൊല്ലപ്പെട്ടു

ഗോണ്ടിയ: മഹാരാഷ്ട്രയിലെ ഗോണ്ടിയ ജില്ലയിൽ അഞ്ച് വയസുകാരൻ പുള്ളിപുലിയുടെ ആക്രമണത്തിൽ കൊല്ലപ്പെട്ടു. അൻഷ് പ്രകാശ് മണ്ഡല്‍ എന്ന ആൺകുട്ടിയാണ് കൊല്ലപ്പെട്ടതെന്ന് വനംവകുപ്പ് അറിയിച്ചു. വ്യാഴാഴ്ച പുലർച്ചെ ഗോതൻഗാവ് വനമേഖലയുടെ പരിധിയിലുള്ള സഞ്ജയ്നഗർ ഗ്രാമത്തിലാണ് സംഭവം. മുത്തശ്ശിയോടൊപ്പം വീട്ടിൽനിന്നു വരുമ്പോഴാണ് പുലിയുടെ ആക്രമണം.

പരിക്കേറ്റ കുട്ടിയെ ഉപേക്ഷിച്ച് പുലി കാട്ടിലേക്ക് ഓടിപ്പോയി. സംഭവത്തിൽ രോക്ഷാകുലരായ പ്രദേശവാസികൾ നവേഗാവ്ബന്ധ്-കെഷോരി റോഡിൽ പ്രക്ഷോഭം നടത്തുകയും വനം ഉദ്യോഗസ്ഥന്റെ കാർ നശിപ്പിക്കുകയും ചെയ്തു. മുതിർന്ന വനം ഉദ്യോഗസ്ഥർ സ്ഥലത്തെത്തി ജനക്കൂട്ടത്തെ സമാധാനിപ്പിച്ചതിനെ തുടർന്ന് ​ഗ്രാമവാസികൾ പ്രക്ഷോഭം പിൻവലിച്ചു.