ജമ്മു കശ്മീരിൽ സൈന്യവും ഭീകരരുമായി ഏറ്റുമുട്ടൽ

ശ്രീന​ഗർ > ജമ്മു കശ്മീരിലെ കുപ്‌വാരയിൽ സൈന്യവും ഭീകരരുമായി ഏറ്റുമുട്ടൽ. ഭീകരരുടെ സാന്നിധ്യത്തെക്കുറിച്ചുള്ള രഹസ്യ വിവരത്തെത്തുടർന്ന് നടത്തിയ പരിശോധനയ്ക്കിടെയാണ് ഏറ്റുമുട്ടൽ. വടക്കൻ കശ്മീരിലെ ലോലാബിൽ മാർ​ഗി ഏരിയയിൽ ഇന്നലെ രാത്രി മുതലാണ് തിരച്ചിൽ ആരംഭിച്ചത്. പ്രദേശത്ത് ഇപ്പോഴും വെടിവയ്പ് തുടരുകയാണെന്നാണ് വിവരം.

കഴിഞ്ഞ ദിവസം ബന്ദിപുരയിലുണ്ടായ ഏറ്റുമുട്ടലിൽ ഒരു ഭീകരനെ വധിച്ചിരുന്നു.