വിദ്വേഷപ്രചാരകനെ ഹൈക്കോടതിയിലെ സ്റ്റാൻഡിങ്‌ കോൺസലാക്കി യുഡിഎഫ് ഭരണസമിതി

നിലമ്പൂർ: തീവ്രമതവിദ്വേഷ പ്രചാരകനായ സംഘപരിവാർ അനുകൂലിയെ ഹൈക്കോടതിയിലെ സ്റ്റാൻഡിങ്‌ കോൺസലാക്കി മുസ്ലീം ലീ​ഗ് നേതൃത്വത്തിലുള്ള യുഡിഎഫ് ഭരണസമിതി. നിലമ്പൂർ വഴിക്കടവ് പഞ്ചായത്താണ് അഡ്വ.കൃഷ്ണരാജിന് കേസുകൾ ഹൈക്കോടതിയിൽ നടത്താനായി നിയമനം നൽകിയത്.

സാമൂഹ്യമാധ്യമങ്ങളിലൂടെയും മറ്റും കൊടുംവർ​ഗീയ പ്രചരണം നടത്തുന്നയാളാണ് കൃഷ്ണരാജ്. മതസ്പർധ വളർത്തുന്ന പ്രചരണം നടത്തിയതിന് ഇയാൾക്കെതിരെ കേസുമുണ്ട്. കോൺ​ഗ്രസും ലീ​ഗും ചേർന്നാണ് പഞ്ചായത്ത് ഭരണം നടത്തുന്നത്.

വഖഫ് നിയമഭേദ​ഗതിയെ ചോദ്യം ചെയ്ത് മുസ്ലീം ലീ​ഗ് സുപ്രീംകോടതിയിൽ ഹർജി നൽകിയപ്പോൾ, അതിന് തടസഹർജി നൽകിയ 'കാസ'യ്ക്ക് വേണ്ടി ഹാജരാകുന്നതും ഇതേ കൃഷ്ണരാജാണ്. കെഎസ്ആർടിസി ഡ്രൈവർ താടിവെച്ച് വാഹനംഓടിച്ചെന്ന് പറഞ്ഞ് സോഷ്യൽമീഡിയയിൽ വിദ്വേഷപ്രചരണം നടത്തിയതിന് കൃഷ്ണരാജിനെതിരെ കേസുണ്ട്.

ലീ​ഗ് പ്രവർത്തകയുടെ ഭർത്താവാണ് ഇതുവരെ സ്റ്റാൻഡിങ് കോൺസലായിരുന്നത്. അദ്ദേഹത്തെ മാറ്റിയാണ് കഴിഞ്ഞ ദിവസം പഞ്ചായത്ത് കൃഷ്ണരാജിനെ യുഡിഎഫ് ഭരണസമിതി നിയമിച്ചത്.