സ്കൂൾ പാചകത്തൊഴിലാളികൾക്ക് 18.63 കോടി അനുവദിച്ചു: മന്ത്രി വി ശിവൻകുട്ടി

തിരുവനന്തപുരം: സ്കൂൾ ഉച്ചഭക്ഷണ പാചകത്തൊഴിലാളികൾക്ക് ജനുവരി മാസത്തിലെ ഓണറേറിയം വിതരണം ചെയ്യുന്നതിന് 18.63 കോടി രൂപ അനുവദിച്ചതായി മന്ത്രി വി ശിവൻകുട്ടി അറിയിച്ചു. 13,453 പാചക തൊഴിലാളികൾക്കാണ് ഓണറേറിയം ലഭിക്കുക. ഉടൻ തുക വിതരണം ചെയ്യുമെന്ന്‌ മന്ത്രി പറഞ്ഞു.

സപ്ലിമെന്ററി ന്യൂട്രീഷൻ പദ്ധതി: 22.66 കോടി അനുവദിച്ചു

സ്കൂൾ ഉച്ചഭക്ഷണ സപ്ലിമെന്ററി ന്യൂട്രീഷൻ പദ്ധതിയുടെ ഭാഗമായി ജനുവരിയിൽ മുട്ടയും പാലും വിതരണം ചെയ്ത വകയിലുള്ള തുക അനുവദിച്ചു. 22.66 കോടി രൂപ അനുവദിച്ചതായി മന്ത്രി വി ശിവൻകുട്ടി അറിയിച്ചു.അധിക ധനാനുമതിയായാണ് തുക അനുവദിച്ചത്. ഉടൻ വിതരണം ചെയ്യും.