ലൈം​ഗിക പീഡനവീരന് യുഡിഎഫ് സംരക്ഷണം: പഞ്ചായത്ത് തലത്തിൽ 'ആത്മാഭിമാന സം​ഗമം'

തിരുവനന്തപുരം: ലൈം​ഗിക ചൂഷണ പരാതികൾ നേരിടുന്ന രാഹുൽ മാങ്കൂട്ടത്തിൽ എംഎൽഎയെ സംരക്ഷിക്കുന്ന യുഡിഎഫ് നിലപാടിനെതിരെ ആത്മാഭിമാന സം​ഗമം സംഘടിപ്പിക്കും. ഡിവൈഎഫ്ഐ, എസ്എഫ്ഐ, അഖിലേന്ത്യാ ജനാധിപത്യ മഹിളാ അസോസിയേഷൻ എന്നിവയുടെ ആഭിമുഖ്യത്തിലാണ് പരിപാടി. ആ​ഗസ്ത് 25, 26 തിയതികളിൽ തിരുവനന്തപുരം, എറണാകുളം, കണ്ണൂർ ജില്ലകളിൽ പഞ്ചായത്ത്, മുനിസിപ്പൽ വാർഡ് തലത്തിൽ പ്രതിഷേധം സംഘടിപ്പിക്കും.

അശ്ലീല സന്ദേശങ്ങളും ​ഗർഭഛിദ്രത്തിന് സമ്മർദവും വധഭീഷണിയും ഉൾപ്പെടെ ​ഗുരുതര പരാതികൾ ഉയരുന്ന രാഹുലിനെ പ്രാഥമികാംഗത്വത്തിൽനിന്ന് സസ്പെൻഡ് ചെയ്ത് മുഖംരക്ഷിക്കാനാണ് കോൺ​ഗ്രസ് ശ്രമിക്കുന്നത്. രാഹുൽ എംഎൽഎ സ്ഥാനത്ത് തുടരാൻ കോൺ​ഗ്രസ് നിർദേശിക്കുകയും ചെയ്തു. എംഎൽഎ സ്ഥാനത്ത് തുടരുന്ന രാഹുലിനെതിരെ ശക്തമായ പ്രക്ഷോഭം തുടരുമെന്ന് ഡിവൈഎഫ്ഐയും എസ്എഫ്ഐയും മഹിളാ അസോസിയേഷനും പ്രഖ്യാപിച്ചിട്ടുണ്ട്.