മുനമ്പം: വിഭജനനീക്കം അനുവദിക്കില്ല- എം വി ഗോവിന്ദൻ

കോഴിക്കോട്‌: മുനമ്പത്തിന്റെ പേരിൽ ഒരു ഭാഗത്ത്‌ ക്രിസ്തീയ വിഭാഗം, മറു ഭാഗത്ത് മുസ്ലീം എന്ന് രണ്ടായി തിരിക്കാനുള്ള ശ്രമം അനുവദിക്കാനാകില്ലെന്ന്‌ സിപിഐ എം സംസ്ഥാന സെക്രട്ടറി എം വി ഗോവിന്ദൻ പറഞ്ഞു. ഇരു വിഭാഗത്തെയും ഒന്നിച്ച് കൊണ്ടുപോവുകയാണ് വേണ്ടത്‌. സമാധാനപരമായ പരിഹാരം തടസ്സപ്പെടുത്താനാണ് ചിലർ ശ്രമിക്കുന്നത്.

ഇക്കാര്യത്തിൽ ലീഗും ക്രിസ്തീയ ജനവിഭാഗത്തിന്റെ പേര്‌ പറഞ്ഞ് വർഗീയ നിലപാട് സ്വീകരിക്കുന്ന ചിലരും മറുഭാഗത്ത് ഉണ്ട്. പരസ്പര വിരുദ്ധമെന്ന് തോന്നിപ്പിക്കുമെങ്കിലും ഇവർക്കെല്ലാം നല്ല യോജിപ്പാണ്‌. മുനമ്പത്ത്‌ നിന്ന്‌ ഇരുവിഭാഗത്തേയും ഒഴിപ്പിക്കാതെ പരിഹാരം കാണണം. വിഭജനനീക്കം അനുവദിക്കില്ല. എം വി ഗോവിന്ദൻ മാധ്യമപ്രവർത്തകരുടെ ചോദ്യത്തിന്‌ മുറപടിയായി പറഞ്ഞു.