മുനമ്പം കേസ്: വഖഫ് ട്രൈബ്യൂണൽ നീട്ടി

കോഴിക്കോട്: മുനമ്പം കേസിൽ വാദം കേൾക്കുന്നത് കോഴിക്കോട് വഖഫ് ട്രൈബ്യൂണൽ നീട്ടിവെച്ചു. കേസ് മെയ് 27ലേക്കാണ് മാറ്റിയത്. കേസിൽ അന്തിമവാദം ഹൈക്കോടതി സ്റ്റേ ചെയ്ത സാഹചര്യത്തിലാണ് നടപടി.

അന്തിമ വിധി പറയാൻ കഴിയാത്ത സാഹചര്യത്തിൽ കേസിന്റെ വാദം പുതിയ ജഡ്ജി കേൾക്കട്ടെ എന്ന് ജഡ്ജി രാജൻ തട്ടിൽ നിലപാടെടുക്കുകയായിരുന്നു. എന്നാൽ സ്റ്റേ നീക്കി കേസ് വേഗത്തിലാക്കാൻ ഹൈക്കോടതിയെ സമീപിക്കുമെന്ന് മുനമ്പം നിവാസികൾ പറഞ്ഞു.

മുനമ്പം കേസിൽ കുറച്ച് ദിവസമായി കോഴിക്കോട് വഖഫ് ട്രിബ്യൂണൽ തുടർച്ചയായി വാദം കേൾക്കുകയായിരുന്നു. വഖഫ് ബോർഡിന്റെ അപ്പീൽ പരിഗണിച്ച ഹൈക്കോടതി കേസിൽ അന്തിമ വിധി മെയ് 26 വരെ സ്റ്റേ ചെയ്തിരുന്നു. 19ന് ടൈബ്യൂണൽ ജഡ്ജ് രാജൻ തട്ടിൽ സ്ഥലം മാറിപ്പോവുകയും പുതിയ ജഡ്ജി സ്ഥാനമേൽക്കയും ചെയ്യും.