ഫോട്ടോ എടുക്കുന്നതിനിടെ കെട്ടിടത്തിൽ നിന്ന് വീണു; ദുബായിൽ യുവാവിന് ദാരുണാന്ത്യം

ദുബായ്: ദുബായിൽ ഫോട്ടോ എടുക്കുന്നതിനിടെ കെട്ടിടത്തിൽ നിന്ന് വീണ് മലയാളി യുവാവ് മരിച്ചു. കോഴിക്കോട് വെള്ളിപറമ്പ് സ്വദേശി മുഹമ്മദ് മിശാൽ (19 ) ആണ് മരിച്ചത്. ഇന്നലെ രാത്രിയാണ് അപകടം. പരിക്കേറ്റ മിശാലിനെ ദുബൈ റാഷിദ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ദുബായിൽ സന്ദർശക വിസയിൽ എത്തിയതായിരുന്നു.

വെള്ളിപ്പറമ്പ് വിരുപ്പിൽ മുനീറിന്റെയും ആയിഷയുടേയും മകനാണ്. നടപടിക്രമങ്ങൾ പൂർത്തീകരിച്ച് മയ്യത്ത് നാട്ടിലേക്ക് കൊണ്ടുപോകുമെന്ന് ബന്ധുക്കൾ അറിയിച്ചു.