കള്ളവോട്ടിന് കെഎസ്‍യു - എംഎസ്എഫ് ശ്രമം; കണ്ണൂർ സർവകലാശാലയിൽ വ്യാപക അക്രമം

കണ്ണൂർ: കണ്ണൂർ സർവകലാശാല വിദ്യാർഥി യൂണിയൻ തെരഞ്ഞെടുപ്പിനിടെ വ്യാപക അക്രമം അഴിച്ചുവിട്ട് യുഡിഎസ്എഫ്. തെരഞ്ഞെടുപ്പിൽ കള്ളവോട്ട് ചെയ്യാനുള്ള കെഎസ്‍യു - എംഎസ്എഫ് ശ്രമത്തെ എസ്എഫ്ഐ പ്രവർത്തകർ ചോദ്യം ചെയ്തു. ഇതോടെ പുറത്തുനിന്നെത്തിയ സംഘത്തിന്റെ നേതൃത്വത്തിൽ അക്രമം അഴിച്ചുവിടുകയായിരുന്നു. കെഎസ്‍യു- എംഎസ്എഫ് പ്രവർത്തകർ ബാലറ്റ് പേപ്പറുകൾ തട്ടിപ്പറിച്ചു. മാരകായുധങ്ങളുമായി യൂത്ത് ലീ​ഗ് പ്രവർത്തകരുൾപ്പെടെ കാമ്പസിനുള്ളിൽ കയറി. പൊലീസ് ലാത്തിവീശി.

തെരഞ്ഞെടുപ്പ് അട്ടിമറിക്കാനാണ് യുഡിഎസ്എഫ് നീക്കമെന്ന് എസ്എഫ്ഐ സംസ്ഥാന സെക്രട്ടറി പി എസ് സഞ്ജീവ് പ്രതികരിച്ചു. 133ൽ ബഹൂഭൂരിപക്ഷം യുയുസിമാരും എസ്എഎഫ്ഐയുടേതാണ്. പരാജയഭീതിയിൽ യുഡിഎസ്എഫ് അക്രമം നടത്തുകയാണെന്നും സഞ്ജീവ് പറഞ്ഞു.