വൈദ്യുതി മേഖലയ്ക്ക്‌ വെളിച്ചം കൂട്ടി ; 1156.76 കോടി രൂപ വകയിരുത്തി, കെഎസ്‌ഇബിക്കായി 1088.80 കോടി

തിരുവനന്തപുരം : ഊർജ മേഖലയ്ക്കായി 1156.76 കോടി രൂപ വകയിരുത്തി. കെഎസ്‌ഇബിക്കായി 1088.80 കോടിയും നീക്കിവച്ചു. വേനൽക്കാലത്ത് തടസ്സമില്ലാതെ വൈദ്യുതി ഉപഭോക്താക്കളിലെത്തിക്കുന്നതിനുള്ള ‘ദ്യുതി' പദ്ധതിയുടെ പ്രവർത്തനം ഊർജിതമാക്കും. ഇതിനായി 430 കോടി രൂപ വകയിരുത്തി.

● ആഭ്യന്തര ഉൽപാദനം വർധിപ്പിക്കണമെന്ന ആവശ്യത്തിന്​ പരിഗണന നൽകി പമ്പ്​ഡ്​ സ്റ്റോ​റേജ്​ (പിഎസ്​പി) പദ്ധതികൾ വിപുലമായും സമയബന്ധിതമായും നടപ്പാക്കും. ഇതിനായി പ്രത്യേക പദ്ധതി നടപ്പാക്കാൻ 100 കോടി രൂപ അധികമായി വകയിരുത്തി

● പകൽ കുറഞ്ഞ നിരക്കിൽ ലഭിക്കുന്ന വൈദ്യുതി സംഭരിച്ച് രാത്രി ലഭ്യമാക്കുന്ന ബാറ്ററി എനർജി സ്റ്റോറേജ് സിസ്റ്റം (ബെസ്‌) നടപ്പാക്കുന്നതിന്‌ അഞ്ച്‌ കോടി

● പ്രസരണ ശൃംഖലകൾക്കായി 370 കോടി

● പാരമ്പര്യേതര ഊർജമേഖലയ്ക്ക് 67.96 കോടി

● വിദൂര ആദിവാസി ഗ്രാമങ്ങളുടെ വൈദ്യുതീകരണത്തിന് അഞ്ച്‌ കോടി

● പട്ടികവർഗ/ഗോത്ര നഗറുകളിൽ സൗരോർജ പാനലുകൾ സ്ഥാപിക്കാൻ അഞ്ച്‌ കോടി

● ജല വൈദ്യുത നിലയങ്ങളുടെ നവീകരണത്തിനും ആധുനീകരണത്തിനുമായി 20 കോടി

● ഊർജ മേഖലയിലെ നവീന, സംരക്ഷണ പ്രവർത്തനങ്ങൾക്കായി 41.22 കോടി

● പഴശ്ശി സാഗർ പദ്ധതിക്ക്‌ 10 കോടി

● ഹരിത ഹൈഡ്രജ​ൻ പദ്ധതികൾക്ക്​ 6.50​​​ കോടി

● ‘ഇന്നവേഷൻ ഫണ്ട്​ ആൻഡ്​ എസ്​കോട്ട്​’ പദ്ധതി- 41.22 കോടി